آخر زمن !

قصيدة مواساة لجماهير الزعيم وعتاب لهلال البطولات
والله كبيرة يازعيم البطولات
ما هيب عاداتك تجيب الفشيله
آخر زمن يدخل بمرماك خمسات
بعد الزعامة والفعول الجميله
جرعت جمهورك ندامة وحسرات
على زمان فات واعزتيله
هيهات يا هلال البطولات هيهات
فرحت فينا اهل القلوب العليله
يرضيك جمهورك يذوق التشمات
وهذي تراها في الحقيقة قليله
وين الزعيم اللي برز في المهمات
ما فيه كاس الا بطلنا يشيله
واليوم يا هلال الوطن جتك هزات
نجمك هوا ما بين يوم وليله
حكوا بك العذال كل الحكايات
واسبابها نتائجك جت هزيله
ما هيب مرة واحدة طحت مرات
صارت حمولك يا بطلنا ثقيله
انهض من الكبوة وعد الصعيبات
عودتنا كسب الدروع الجزيله
اليوم نبدأ اليوم ما فات قد فات
مازلت الأول بالعدد والحصيله
بالدعم اعضاؤك لهم جد وقفات
والحمل لا ميل دايم ترتكيله
وجمهورنا واعي ولو صار عثرات
يسمح ومحبوبه لزوم يجيله
واهدي لهم مني جزيل التحيات
وقفاتهم والله دايم جليله
شاعر الزعيم