حفاة الذوق

وان قالوا العشق نعمة وكل عاشق معه معشوق
أنا اقول العشق عشقي وقلبي للأبد فاضي
وليه أسهر وليه أحزن وليه أعشق حفاة الذوق
مدام السالفة كذبة كبيرة ما لها قاضي
أنا ضحيت من أجلي ومن أجلي تساق النوق
ولكن ما قدر راكب جموحه يجمع انقاضي
ترى به ناس خداعه وبه ناس تحب البوق
ومن صغري عرفت الناس ومني الناس تغتاضي
صغيرة عمر لكني كبيرة عقل تراسي فوق
ومن نظرة أعرف الناس.. اعرف اللي لهم ماضي
شموخي واصلٍ حده واعرف ان الدلع هو موق
وانا كلي ترى موقة ولكن داخل فياضي
سكبت الحب في نفسي وفي جوي أثرت الشوق
وانا شوقي سكن فيني وشوقي يسكن رياضي
رسمت الحب بالواني وهذا حبي الموثوق
حياتي اسمها لوحة وقلبي للأبد فاضي