شهر طاعة وتقوى

أهلاً بشهر الخير ماحي الخطيات
شهر التسامح والعفو والرحابه
افضل شهور العام شهر العبادات
بعد هلاله هل يأمرحبابه
تباشروبه حافظين الصلاوات
اللي لهم بالدين قدر ومهابه
شهرٍ أبه طاعه وتقوى وخيرات
يأمرحبابه عقب طول غيابه
شهر العباده والسخاء فيه حسنات
مضاعفه كل يدور ثوابه
شهر الفقير اللي من الجوع ما بات
وشهر الغني اللي يحل انكرابه
رحمه وعتق وفيه غفران سيئات
ليالله قسم للي تمسك بأدابه
أنزل به القرآن رب السموات
هدي ونور في الدجى يقتدابه
وفيه انتصرنا فوق شرك وضلالات
في بدر يوم القوم جمع وحزابه
وتحطيم للعزى وهبل مع اللات
ياقاري التاريخ تلقى الايجابه
وليلة سلام تمر مسعدك لحظات
الها نتحرى كلٍ اتعب ركابه
يالله ياللي نطلبك كل الوقات
ونصكت البيبان ماصك بابه
ياعالمٍ بالبينه والخفيات
ما غيرك احد يالولي يلتجابه
تجعل لنا مخرج نهار الحسابات
يومٍ ما ينفع بنون وقرابه
بيومٍ عبوس ولادخل به وساطات
كلٍ حسب ما جاب يأخذ كتابه
وتقبل صيام أهل النقا والطهارات
اللي على نهج النبي والصحابه
أهلاً بشهر الخير شهر المسرات
يامرحبابه عقب طول غيابه