ألم الغربه

ولو هو يبيني قلت يا نوم مابيك
مابيك انا مرتاح رح لاتجيني
رح ريح اللي من همومه يناديك
للصبح أبسهر جو الاضلاع زيني
والصبح لك يا نجد مرجاع مغليك
باكر حجزت وقالوا انه يقيني
إن قالها الله باكر امشي باراضيك
ما عاد عندي صبر اقاوم جنيني
أبترك الغربه والاغراب وآجيك
يا نجد بعدك صرت مثل السجيني
وعجزوا ينسونيك باللي مهو فيك
لو ما عجبتي لايمي تعجبيني
يا كثر ما لله في عيوني محليك
أخطو عليك بلومهم لا يميني
يا نجد والله بعض ما فيك يكفيك
ومنلام يوم الدمع جابته عيني
في ليلةٍ جابوا لمغليك طاريك
حبك خلطه الله مع الدمع فيني
أغليك انا واغليك وبروحي افديك
فيك انولدت وعشت.. واجمل سنيني
يا نجد فيك وجمّلتها لياليك
ومع ساكنينك يسكنك والديني
الله يحمي ساكنينك ويحميك
ويا نجد بك يالغاليه غالييني
واللي يقول بحزن «ما نيب ناسيك»
والطيب بك مولود.. والطيبيني
يقول من هو جرب الناس اهاليك
لا عاده الله فجر ذاك الثنيني
العام يوم اني أقفّي وانا ابكيك
نواف الضويحي