شبيب بن فالح أبو ثنين (*)

من ضفاف الخليج

تفضل يا بو نايف مع جزيل الشكر والعرفان
هديه باسم ميدان الجبيل وجيت أقدمها
عنيت ابها من ضفاف الخليج لسيدي سلطان
يمينن كرمتنا بالعطا لازم نكرمها
أسلمها لأمير الجود والمعروف والاحسان
وأمير الخيل وأهل الخيل وأكبر شخص داعمها
أمير كل عام يفتتح بمحافظة ميدان
وملايين الجوائز والهدايا اللي يقسمها
لولا الله ثم دعمه كان ما معنا فرس وحصان
ولا تسمع بشاريها ولاتسمع بسايمها
ولكن دعم أبو نايف جعل شأن الاصايل شأن
وغليت بعد ما كان الزمان الشين ظالمها
ونهايتها نبارك لك على فوز البطل مرخان
وأخوه المنجز اللي فاز والأوقات حطمها
وسلامي واحترامي عد ما هلّ المطر هتّان
وعدد برق المزن وعد ما هبّت نسايمها