ما ورا هذا طموح !

فاضت عروقي شعر والغرام بدمّها
والشعر يومه بدأ.. ما ورا هذا طموح
أنثر أبياتي لها واستلذ بلمّها
وانثر دموعي فداء لو لها روحي تروح
أمي أكبر غيمةٍ جيت أبرحل يمّها
جت تهل أعماقها بالغلاء عذبٍ نظوح
أمي أجمل وردةٍ أهتنيت بشمّها
بالفجر نسمة غلاء.. والمساء عطرٍ يفوح
كنت أحسب إن القمر بين أبوها وأمّها
أثرها تبقى معي والقمر ليل ويروح
كنت أحسبه درةٍ جيت أزود بكمّها
من يبيع اللي شراء لو لها وجهٍ صبوح
قلبي اللي تسكنه من غلاها ضمّا
والعيون اللي لها تكتم الحب وتبوح
يا كريمة بالرضى لو تزايد همّها
يا بخيله بالزعل لو بها هم وجروح
حبها فيني طفل في عيونه زمّها
إن غفى نامت معه وإن صحى حب ومزوح
لو كبر عمري أبد ما أفارق كمّها
تحته الجنة وهي عالية فوق السفوح
لو يجي وزن الشعر والقوافي جمّها
ما وفاها حقها والشعر فيها شحوح
فاضت عروقي غلاء والغرام بدمّها
والشعر يومه بدأ.. وانجلاء فيه الوضوح
قالت أشعاري فخر أنت أبوها وسمّها
والقوافي تفتخر.. ما ورا هذا طموح