مروا مهنا

الشاعر مهنا بن عبدالعزيز المهنا من شعراء ورواة محافظة الدوادمي أصيب بوعكة صحية شفي منها والحمد لله.. أرسل له هذه الأبيات تعبيراً عن سروري بشفائه:
يا عيال وإن رحتوا إلداورد يا عيال
للدوادمي تكفون مروا مهنا
خوذوا سلامٍ عد ما هل همّال
يهدى على ريف المسايير منا
له مجلسٍ تلقون به فرش ودلال
يجونه الضيفان منّا وِمنَّا
وصينية تلقون به كل الاشكال
كرمة سخيّ ما تقفّاه منا
وترحيبٍ أحلا من لبن زين الإبهال
وسوالفٍ من كل طيب يجنا
حاش المراجل طيب الجد والخال
تعب إِبْساقتهن وهن يتعبنا
يمناً تلم المال وتنفد المال
ما حسين إيديه وش نفّدّنا
شفق على الجلسه معه طيب الفال
أحنّ له حنة خلوجٍ تحنا
لو بيننا جرد المسافات ومْيال
سيرت له كان الليال أمهلنا
ردَّ الثنا ياجب على كل رجال
ولو قلت مهما قلت ما أوفي إمهنا