ورقه قديمه

جينا المنازل والنخل بالشعيبي
بس البيوت اثنين معهن توابيع
اثنين والثالث هله بالمغيبي
يامن يرد الزمل يم التسانيع
يامن ينادينا وحنا نجيبي
ياللي تبي لك ناقة بالمراجعي
تكفى ترى فينا المضارب تصيبي
تجوز فينا الطيبه والمنافيع
وطماعة فينا بعد للبيبي
حنا هل الشيمه بليا تمانيع
هل العطا الواجد والأصل العريبي
وكيف اذا سيرت مافيه تمنيع
بدلال ما يعرض عليها السريبي
ماهمني الا ركيب مجاويع
السمن لايذ والغنم بالعزيبي
ضمر وحفيات واهلهن بواتيع
فيها اللغوم مقصصات السبيبي
يبون من يبرا التعب والقواطيع
كبش يسام بصافيات الحليبي
امضيفه خطارنا بالمصاميع
بالعزم والا ماش معنا قضيبي
ان شفت في نفسي مواري تهازيع
ما اطاوع النفس الهنوع تغديبي
وان شفت في نفسي مواري ترافيع
رفعتها والطيب للي يطيبي
رفعتها والمد فيه التمانيع
والخالق الرازق يبي يعتنيبي
عيفي الردي يالابسات المجازيع
عيفيه ياعين القضيب الربيبي
لاتاخذين الا العيال البواتيع
لطامة العايل نحاز الحريبي
تلقى الردى عند القهاوي مكاويع
لعراش والا لقمة ماتثيبي
عجاب بن مبارك الغيداني