شغالات آخر زمن ب1800؟!

ألووووووه شواطىء «اسمعي هذه المكالمة من فضلك» من بين الأمواج
*ألو...و...و...ه
نعم؟
* ممكن سؤال ؟!!
اتفضلي
* يقولون تؤجرون شغالات.. وايجارها 1800 ريال شهري؟
ما شاء الله وبعد تشتغل أي شيء أبيه؟!!
* ما هو مهم!.. صحيح على كيفي أنا؟!!
طيب يا سلام.. وصحيح ما تكتبون عقود بيننا وبينكم؟!!
* ايييه علشان ما عندكم تصاريح ولا سجلات تجارية ولا شيء قانوني.. آي سي علشان كده.. آهه.. طيب طيب زين!!!
ولو فرضنا أخذت الشغالة ولا أعجبتني.. ترجعون فلوسي؟ أو..و.. ما شاء الله «ما أعدلكم» بس تأخذون مائة ريال عن كل يوم؟!! والله فله. وأكيد ما فيه خوف علينا ولا عليكم ينكشف أمركم ونروح فيها معكم؟!! يا سلام!! محتاطين لها الأمور بلحين!! طيب ما دام كذه انتظروني الليلة.
والله انكم حليتم مشاكلي.. تصدقون إني موظفة.. ومتطوعة أخدم وطني في كل مكان.. واكرف ليل نهار «صحيح أبي الأجر» لكن أبيه بعد في الدنيا بالتقدير لكن من أصبح الين أمسي وأنا من مسؤول الى مسؤول أبي زود شغالة بيتي كبير.. وشغلي كثير.. وما قدرت ولا حتى بالواسطة أجيب شغالة ثانية!!
والله ما لقاها غيركم.. شغل في الظلام.. حاطين رجل على رجل.. وسطاتكم بين يدينكم.. وقروشكم بالهبل! آه يا زمن العجائب.
آسفه.. آسفه.. لا تزعلون تكفون.. الله يخليكم لنا.جايتكم هالحين.. انتظروني أبي أحسن شغالة عندكم وأمري الى الله.
«مكالمة سمعتها من طرف واحد» احدى زميلاتي المتطوعات وتحتفظ برقم المؤجرة وغيرها إذا لزم الأمر على حد قولها».