ورقة قديمة

يا شيخ ما هي بايهات علومي
مير ان ما عندك لهرجي ملافي
غروك زيلان سوات الرجومي
ازوال ناس ما تعرف الخلافي
امهل علينا جعل عمرك يدومي
ترى الليالي عدها باختلافي
لابد ما يزمي طويل الحزومي
بيني وبينك يا ربيع الضعافي
واعيني اللي كن فيها هزومي
والكبد كنه فوق حام الرضافي
حلفت ما اخلي طريق اللزومي
لا أشرب هناي من ازرق الجم صافي
خلاف ذا دنيت حمرا ردومي
شيبا ظهر من كثر سوج الظلافي
ما وقفت بالسوق للي يسومي
حايل ثلاث سنين عقب العسافي
باغٍ عليها اضرب طريق اليمومي
متنحّرٍ هاك البيوت الملافي
دسمين الايدي لاسرن النجومي
ذباحة للبل سود الشعافي
ربعي هل الشيمات واهل العزومي
ياما قزا بايمانهم من سنافي
وصفر يطاوعن المقاود سجومي
ومزرجات فيهن الريش وافي
اهل ظعون ماتلاهم بهومي
قطعان لامدوا سلفهم يشافي
ترعى من الجرعا لحد القسومي
وترعى القصوريات ماهي عيافي
ترعى بعشب باذرته الوسومي
تقطف زهر نوار قبل الهيافي