النحل والخلية

شفت النحل وشلون يبني الخليه
مثله بنيت بداخل القلب لك بيت
يا اللي سكنت الروح عن طيب نيه
ماني سعيد القلب لا من تخليت
الحب نيه.. والنوايا.. مطيّه
ومن مدلي فنجال حبه تقهويت
إن جيت تفتح للمشاعر شهيه
هذا أنت عني مبتعد كيف لأجيت!
إن جيت ردّ الورد للمزهريه
ورديت لأجل الليل كل المواقيت
إن جيت جاني الحب مثل الهديه
وإن رحت ما خليت شيء وبقيت
غير الحزن وأنياب سود المنيه
وغير الفضا لاضاق صدري وناديت
لو شاف شعري من جمالك خطيه
ما قد بنيت القاف لأجلك وهديت
لا أبو شعور الحب.. لا رحّم حيه
إن كان جيتك بالغلا وأنت صديت
شفت الفراق اللي يمد ليديه
همٍ يكدر خاطري لأتمنيت
أصعب من فراق الخوي عن خويه
وأصعب على العشاق من قول يا ليت
شفت النحل لو شفت شكل الخليه
تقدر تشوف أصل التعب يوم حبيت