شيخ النوادي والكأس دايم يجيبه

الليث الأبيض حقق الفوز باتقان
شيخ النوادي والكاس دايم يجيبه
* * *
في الجوهرة يعزف فنونه بالالحان
انشهد ان الفن هو من نصيبه
* * *
هذا الشبابي والبطل دوم فنان
يستاهلون الكاس ولاهي غريبه
* * *
وهذا شباب العز والمجد عنوان
حيث الذهب عشقه ولا هو حريبه
* * *
ياللي تحدى الليث ضايع وغلطان
لامن بغى الكيسان صارت قريبه
* * *
الخصم من فنه ينصاب بجنان
ومن هول صدماته حاله عطيبه
* * *
خلفه ولد سلطان يسلم بليهان
يسلم لنا ابن النشامى العريبه
* * *
وابن سعد رجل حبيب وله شان
راعي الذهب من دون شك وريبه
* * *
ومن قدحة البلطان صاروا خبر كان
قدحات ابو الوليد والله مصيبه
* * *
وابن معمر راعي الطيب لاهان
مع البطل معروف هو يعتني به
* * *
وشفنا القريني مخلص كل الاحيان
هذا ابو عامر ما يخلي الكتيبه
* * *
وطارق النوفل جهد وعرفان
دايم مع الابطال مثل اللهيبه
* * *
وخالد المعجل مع الليث يشتان
بادارته عز ودايم رهيبه
ومدرب مابه شكوك وبهتان
عمار خطط وكلنا نحتفي به
* * *
واللاعبين ابطال وللكاس شجعان
دايم مع الجمهور ولا هو يخيبه
* * *
وجمهوره الوافي على كل ميدان
في كل موقع دايم ما يسيبه