عادة جماهيرك يا خلجاوي لك يلبون

لأن الفرح لا يكتمل لدى الخلجاويين إلا بالطرب وبحلو الكلام فإننا في (الجزيرة) نتيح المجال في هذه الزاوية لبعض المقاطع الشعرية للشاعر الشاب محمد الحميدي المعروف في مدينة سيهات بلقب شاعر سيهات والخليج:
آنا خيط الصيد إلي خلجاوي لونه
هذي ألوان الشعار ال(تلبسونه)
انتو فن الغوص فعلا تتقنونه
والعلم في كل مدرج ترفعونه
***
أصفر خضر ماهي حكاية لون
قصة عشق خلجاوي لو تدرون
من صغري حبيته وصرت مجنون
كلالملاعب باسمه يتغنون
عادة جماهيرك ي(خلجاوي) لك يلبون
يتحول أصفر و خضر ويانا لون الكون
***
دانه لو محاره
خلجاوي حُبه شوفه لوّن قلبي
انتوا البحاره
شرقي هواكم في البحر لو غربي
***
آنا نهام البحر سيهاتي قلبي
لو سألتونه يرد خلجاوي حُبي
شرقي إن كان الهوى أو كان غربي
أصفر و أخضر شعاري وهذا دربي
***
في البحر غوصي مُحب يلقى حبيبه
أجمع المحار منه ومو عجيبه
في الملاعب من يغوض الكاس ايجيبه
سكته كانت بعيده لو قريبه
***
يعمل اب صمت وعقل مثل الفراشه
مركب الإنجاز قاده فوزي الباشا
قول جمهور الخليج اشماتبيه
دام ربان السُفن اسمه نزيه