جار الزمان وفرق الشمل مدلول نفسي فجاها عن هواها زواله وامسى فقيد الروح ما عنه مسؤول جرح (جريم الدم) ياوي لحاله بالويل والولوال عمال مشغول الا ولا حيّ رحومٍ شكاله أصبحت من صرف النيا تقل بهلول حيران يصفق في يمينه شماله من العام ما عود على الحول متكول واحصيت ساعاتي برجوى وصاله مع ذا ولو يبخس من العمر بنزول كلٍ بصير في تصرّف حواله اسألك يا المطلوب يا خير مسؤول يا من سمك سبع السما بالعداله وأقام سبع الأرض بالعرض والطول وشرّف على خلقه نبي الرساله بحسناك يا من دام حي على الطول تلطف بحال امرٍ برى الدوب حاله على وليفٍ فارق الروح ياطول مابتّ مسترٍ الجوانب بجاله مجمول مدلولٍ له الوسط معزول طفلٍ قمر بالزين بدر الكمالة عليه رنقٍ من لطايف صطنبول زينه زها زين البها والشكاله قلبي هبيلٍ سافح العذل مذلول مغرى ومسقيني بغيه دلاله الاغرام واشتياق له الحول عيٍ عنيدٍ له عنودٍ سلاله يتبع هواه بطارق الغي متبول ولا احد تعززله على ما جرى له فلا العزا والياس والصبر محمول لاشك باح الصبر مالي وماله لو كثر الناصح فلا العذل مقبول كلٍ يكون بحال تصريف حاله ما اسمع ولا ابصر ياهل الذات وعقول هيهات من يبغى الرضى لا يساله من كان عن حالي شفيقٍ ومشغول فالصاحب الصافي يدور الدواله والا فكثر الهرج والقيل والقول يجرح ولا يبرى عليل عذاله ولا بقى لي حيلة غير ما قول رجز كما نظم الجواهر عداله محمد العبدالله القاضي
