ويش الجديد

يفز قلبي كلما اوحيت طاريك
مدهل رجاجيلٍ لها كار واذكار
يامجلس اهل الطيب من طيب راعيك
وقت التعلل زان مع شبت النار
الله ياوقت السعاده يحييك
جلست نشامى والسوالف لها كار
تحييك ياباغي السوالف وتغنيك
راع المثل كد قال قولٍ له اثمار
قولٍ على برهان مافيه تشكيك
الميت يحطمك عن كل مشوار
هذا كلام الحق والحي يحيك
ويش الجديد من السوالف والاشعار
يامجلس الشعار لي رغبةٍ فيك
ماغبط ابو مليون والفين مليار
يوم التمنى راس مال الصعاليك
الرزق عند الرب علام الاسرار
سبحانه الخلاق وامرك ناهيك
غنيه انفسنا وباالغز تجار
والعز تاج الراس ياقلب يكفي
ما نتبع المقفى ولو صار ماصار
لاخايف شرك ولانيب راجيك
صالح عبدالرحمن الصالح الناصر