حلول اللغز

نشرنا في عدد الأسبوع الماضي لغزاً كتبه القارئ حمد الحربي,, وكان حله اليدين,, وقد جاءتنا عدة حلول صحيحة اختارت القرعة منها ما يلي:
يا حمد لغزك عرفناه ما فيها جدال
هذي الايدي وعشره عداد عيالها
اليمين تتم فيها مواثيق الرجال
والشمال مساعدتها ببعض أعمالها
سفر القحطاني
الرياض
***
الاجابة يا أهل المعرفه قدر السؤال
والعلوم اقصارها سد دون اطوالها
لغزكم يا صاحبي واضح مثل الهلال
الجواب,, ايدينك ايمينها,, وشمالها
بدر زهران الشلاحي
بريدة / حي الشقة
***
انت قلت اللغز واللغز وافي بالكمال
ورميتي تضرب هدفها ضميري قالها
اليدين الله خلقها يميني مع شمال
والاصابع هن عيال البنات بفالها
عبدالله صالح الصبيحي
البطين / بريدة
***
مرحباً بك يا حمد يوم طرق اللغز طال
ناشرينه بالتراث النعم برجالها
الخوات ايدين ما يختفي حل السؤال
والأصابع يا عرب مثل شد حبالها
علي رشيد الرشيد
رياض الخبراء
***
هيضوني بالمعاني والأبيات الجزال
وجيت اشارك مع رجال تسر افعالها
اليد اليمنى ضعيفة بلا يد شمال
والعرب تعرف جزل شعرها وامثالها
مازن القثامي
الطائف
***
لغزكم واضح ولا فيه يا الطيب جدال
نرسله عبر الجزيرة مع مرسالها
حله يدين خلقها الولي رب الجلال
ربنا اللي خالق برها واجبالها
حمد بن راشد القباني
الغيل بالأفلاج
***
مرحباً عداد مالاح برق في خيال
بالرجال اللي عسى الله يطيب فالها
عارفين الحل ما فيه شك ولا جدال
اليدين الحل بيمينها وشمالها
جراح العقيلي
***
فزت ياالفارس ولا فيه للعذال مجال
حي ها اليمنى الشريفة خذت فنجالها
غصن الابداع امتلا من عناقيده ومال
مال يا موسم يمين السماء وشمالها
محمد عبدالكريم الغزي
الزلفي
***
يا حمد قافك رفيع مثل عال الجبال
المعاني تنتظر من يحل عقالها
ابذل المعروف يمنى ولا تدري الشمال
بس بعض الناس ينوي كثير هبالها
مشاري خالد الدعجاني
شقراء
***
شكر مع تقدير نهديه لك باسرع مقال
عبر صفحة في الجزيرة بدا مرسالها
لو نشرت اللغز نعطيك حله بالكمال
هي يدينك والأصابع تراها عيالها
نايف غصن السبيعي
الخرمة
***
قال ابن مزعل كلام مثل نقد الريال
رغم صغر السن ياخذ جزيل امثالها
يا حمد لغزك نقول اليدين بلا جدال
اليمين لحالها واليسار لحالها
عبدالعزيز بن مزعل المرزوقي
الرياض
***
أشكر اللي جاب لغز جميل بلا جدال
في بيوت الشعر بارع يجيد أمثالها
يا حمد لغزك ظهر في اليمين وفي الشمال
واليدين بها المثل ينطبق برجالها
سعد الكثيري
الحريق
***
مرحباً بك يا حمد وانت واف بالخصال
والعلوم الطيبة كلنا نسعى لها
واليدين اللي تعرف الحرام من الحلال
يا عسى ربي يبارك لنا بافعالها
محمد معتق بن صخيبر
عنيزة
***
قال من هو يبدع القاف لا جا له مجال
من سمان الهرج ياخذ ويكب هزالها
البنات ايدينكم صدق ما فيها جدال
يا حمد هذي يمينك وذيك شمالها
سلطان مسفر الفهادي
الدلم
***
علم بنتينك عرفته بلا شك وجدال
اليدين وكل وحده نعرف اعيالها
كل وحده من يدينك لها خمسة عيال
خمس اصابع يختلف شكلها واطوالها
صالح عبدالله الزرير التميمي
الرس
***
مرحبا بك يا حمد عد ما هل الهلال
وعد ما هل المطر من مزون خيالها
يا حمد لو جبتها من يمين ومن شمال
كل يمنى ما تصفق بدون شمالها
عطا الله بن سليمان العطا الله
الزلفي
***
مرحباً واهلين ماناض برق بالخيال
ردة من خاطر عارف منزالها
يا أهل الالغاز كان الرشا ركب المحال
حله اليدين قلته وغيري قالها
نافع الحربي
الرياض
***
السؤال اللي علينا بعد حط الرحال
مرحبا به عد ما هل وبل خيالها
يا حمد ما أظن حله على مثلي محال
دام بالي لليدين اصطفق واومالها
سليمان عبادي النتيفي
الزلفي
***
الرجال اصناف يا فاهمين ويا عقال
الرجال اصناف مختلف أفعالها
طيب فعل يحطه يمين من الرجال
وخايب تحطه الناس يم شمالها
محمد سالم عرموش الدوسري
الأفلاج الفيصلية
***
مرحباً يا اللي عزلت اليمين عن الشمال
كل يمنى كرمت عن فعول شمالها
الاجابة ما تعدى مضامين السؤال
والرجال أهل الوفا ما تعيب أقوالها
صويلح بن عبيسان الشيباني
الرياض
***
مرحباً بك يا حمد عقب وجهت السؤال
والاجابة ما تجي غير عقب سؤالها
عارفين أهل اليمين ونعرف أهل الشمال
يا عسانا مع رجال كرام سبالها
جهاد المطيري
***
شاعراً عبر الجزيرة نشر لغزه وقال
شاعر معروف قال المعاني قالها
البنات يديك يمناك والأخرى الشمال
كل وحدة يا السنافي تدير اعمالها
سعد بن صنهات السهلي
الدرعية
***
يا هلا يا مرحبا عدما هل الهلال
والتحية للجميع استحب ارسالها
فاهمين اللغز يا الطيبين من الرجال
من شمال ومن يمين عارفين احوالها
فالح غازي الحربي
رياض الخبراء
***
يا حمد يا رائع النص أخذ حل السؤال
المشاعر ترجمت ما خطر في بالها
الخوات ايدين هذي يمين وذي شمال
والعيال اصباع كف تدير اعمالها
محمد هذال آل بريك
اتصالات الرياض
***
يا حمد نبي الاجابة على قد السؤال
نقصر الموضوع ما ودنا بطوالها
ليه بعض الناس يا القرم ما تعطي مجال
واليدين الثابتة ما يفيد ابدالها
موسم بن سفر القثامي
الطائف
***
مرحباً بك يا حمد عد ما يمطر خيال
يوم لغزك بالمعاني حكمت أمثالها
والبنات اللي بتذكر يمين مع شمال
واليمين مقدمه دوم قبل شمالها
هندي نابت الغياثات
الأفلاج
***
مرحبا ترحيبة راسية مثل الجبال
حي صفحتنا الجزيرة وحي رجالها
لغزكم يمنى ويسرى ولا فيهن جدال
واليمين ام الشحم عالي منزالها
زيد بن جريد بن سعدا
بريدة
***
مرحبا والمعرفة عند أهلها راس مال
والمراجل ما لها دوم كود رجالها
عاشت اليمنى وعاشوا كريمين السبال
ما تساوي فعل يمنى الرجل وشمالها
عبدالهادي فهاد العرجاني
الأفلاج النايفية
***
يا حمد تعبتني باليمين اخت الشمال
رحت ادورها وأنا حضرتي مشتالها
اليمين مقدره بالعمل في كل حال
والشمال بحالها عارفين أعمالها
محمد علي السالمي
رفحاء
***
وافي لغزك وكامل ولله الكمال
واليدين اختين ولكل يد اعمالها
يا حمد واعرف ترى ما بها شك وجدال
اليمين بدون يسرى ضعيف حالها
منصور عبدالله المجيدل
الرس
***
مرحباً ترحيبة كنها نقد الريال
يا رجال يشرح الصدر طيب امثالها
حل لغزك يا حمد باليمين وبالشمال
اليدين وكل وحده تدير اعمالها
زهران عون الله المطيري
بريدة
***
من يضوي صادق الحرف في عتم الليال
كلمته فوق الحقيقة يهل هلالها
ومن يعلي راية الحق في وجه الضلال
تسلم ايدينه ويسلم حسين أفعالها
فهد الجروان
الزلفي
***
واضح للرجل فرق اليمين من الشمال
ولنفقت يمناك فاحذر تشوف شمالها
ولغزكم معروف حله ولا فيها محال
الاصابع فوق كفك وهم عيالها
حمود فهد المخاريم