يوم اتحاد الشعب

يوم اتحاده
يوم شتات الشمل به صار ملموم
وحد به القايد قبايل بلاده
يوم توحد فيه حاكم ومحكوم
وصار التألف بين شعب وقياده
اصدر زعيم المملكة فيه مرسوم
يلزم على كل الجميع اعتماده
عبدالعزيز الفيصلي مرهب القوم
عزز ركون الدين والشرك اباده
ذاك الزعيم اللي معه صبر وعزوم
محد صبر مثل البطل في جهاده
ما طاب له راحه ولا طاب له نوم
حتى تحقق بإذن ربي مراده
عاد الرياض بعزم والضد مهزوم
عاد الرياض وملك الأجداد عاده
وبدد ظلام الظلم عن كل مظلوم
وشمس العدالة اشرقت في بلاده
يالله عساه برحمتك دوم مرحوم
ويالله عسى قبره يذعذع براده
وبعده سلاطين ميامين وقروم
سعود والفيصل قوي الاراده
وخالد عسى خالد من النار معصوم
بجاه من تسجد لوجهه عباده
واليوم عهد اللي للاسلام زيزوم
فهد زعيم المعرفه والسياده
جهده لبذل الخير واضح ومعلوم
عم البلاد الخير والامن ساده
نهضة وطنا مالها حدود ورسوم
زاد التطور في وطنا زياده
نعبر عن الواقع بتعبير مفهوم
نهضة وطنا تستحق الاشاده
ويعش عبدالله معزز ومحشوم
ضد الضديد اليا تزايد عناده
ساعد فهد. مثله مع الناس معدوم
سناد الفهد في كل واجب سناده
سوات حر لاشهر بعد الحوم
حر ينومس في ليالي هداده
والنائب الثاني مظفر وشغموم
طور جهاز الجيش وحدات عتاده
سلطان ابوخالد ذرى كل مهموم
عون الذي حمله من الدهر كاده
حاتم زمانه مابه شكوك ووهوم
متعب على كسب الجمايل جواده
يالله تعز أملوكنا دايم الدوم
هم قادة الاسلام وأعز قاده
ومن يومنا هذاك حتى هذا اليوم
من فضل ربي عايشين بسعاده
زهران عون الله المطيري بريدة