محمد المويعزي

صقر الجزيرة

ووحد شتات المملكة عرضها وطول
الحاكم المقدام من فعل.. يمناه
ومن طيبه اللي بينه كل.. منقول
ومن يسأل التاريخ وشلون سماه
(صقر الجزيرة) ما أحدٍ غيره ينول
عاد الرياض وحقق اللي تمناه
مع أربعين معه شجعان وزحول
داس الخطر في حنكته يوم قداه
عقله وفكره والسياسة له اميول
داس الخطر في غبته والله أنجاه
من موتٍ محقق ومن خوف وذهول
ومن ما قفٍ ماكل رجلٍ تهقواه
إلاالذي مثله على الحق مجبول
داس الخطر في غبته وسط مبناه
عزمه معه والسيف بيديه مسلول
داس الخطر من دون قوه تقفاه
ومن دون دبابات وجيوش وأسطول
ومن دون كشافات وأبراج وحماه
وإلا قنابل توضي الليل وتزول
داس الخطر يومه بعزمه تمهزاه
داس الخطر في ليلةٍ قربها يهول
عبدالعزيز اللي مشى بحد شلفاه
وطوع بلادٍ بين جاهل ومجهول
ومن بعد ما ساد الجهل وارتفع داه
أقبل معزي والدواء معه.. محمول
معه الشريعة نورها في.. محياه
هي الدواء للي به أمراض وعلول
ويا من نسي ذاك الجهل كيف ننساه
وشلون ننسى يوم قاتل ومقتول
ولا كل رجل يا من الليل وخباه
والجار ما يامن من الجار مرسول
جاها سليل المجد والدين يبراه
دين السلام ودين الإسلام منقول
ولله حكمة يوم بالحكم.. ولاه
سيف الإسلام بحكمته صار مصقول
وتسلموا بعده صناديد وقضاه
وكل على نهجه وما قال من قول
حتى وصلنا عهد من لاعدمناه
اللي على روس العداء سم مزلول
أبو الأرامل والثكالى ومن جاه
أبو اليتامى والمساكين..وكهول
راع القيادة والسياسة.. مزاياه
خادم بيوت الله بالجهد.. وحلول
كم من عنيد طوعه ثم ورّاه
درب السنع وبحكمته يعطي امثول
واخوانه اللي معه يمشون ممشاه
حيث التكاتف عندهم ما به اضلول
عبدالله وسلطان مثله.. حلاياه
مثله بفعله كلهم.. قول وفعول
عبدالله أبو متعب ان جيت تنخاه
له فزةٍ تنهي صعيبات وحمول
ليّن مع اللين وصلبٍ مع اعصاه
وله نظرةٍ تكفي عن الفعل والقول
والصيرمي سلطان من يقرب احماه
طيب مع الطيب وله سيف وخيول
والنايف نايف كل ما حل طرياه
رجلٍ على الطولات له حمل وثقول
وكم هيةٍ من فعل نايف ومسعاه
هانت ولانت وانتهى كل معلول
شبل يمينه للصعايب مضراه
كم من صعيبة حلها بطيب وسهول
ولا هي غريبة عندهم متبع الجاه
أهل العقول الراجحة واهل الطول
سلايل اللي كل أوحى بدعواه
وأفعاله اللي نورت كتب.. وعقول
ما هي قصص تمثيل والا محاكاه
قصة حقيقية لها اثبوت..ودلول
واليوم لنا بدولته قرن طفناه
ننعم بنعمة والي الكون ونجول
في بحرها وفي برها مدن وقراه
والجو فيه الأمن ثابت ومعقول
والحمد لله كل خيرٍ .. غرسناه
والخوف ولى والأمن زاد مفعول
وكلٍ على ما قيل ينعم بسكناه
والشكر للي كون الكون.. وسهول
ثم الشكر لاخوان نوره مثناه
اللي لهم بفعولهم فضل مشيول
وصلاة ربي عد ما نسمع انداه
واعداد ما يمشي على الأرض من زول
واعداد من سمع المنادي ولباه
على النبي الهاشمي خير مرسول