هذه المحاورة جرت بين الشاعرين

محاورة الأسبوع حبيب العازمي العتيبي ودحيم عبدالرحمن الرشيدي

مرحبا مرحبا ترحيب باسم القبيلة
عد ما تنشي المزنه ويمطر مطرها
ليلة جابت حبيب عن الفين ليله
عاش عبدالله اللي للطراقي عمرها
حبيب
البقا يالمرحب عد وبل المخيله
والسفينه تراها راسيه في بحرها
جيب ضيفا على الطيب ولاني دخيله
ماعتذر باللزوم الياعطتني نحرها
دحيم
السفينه ولاها ياحبيب دليله
ركبت اجنودها في حكم ضابط خفرها
قابلونا عتيبه بالسيوف الصقيله
ما تضيع الذهيبه والخياري بثرها
حبيب
كل واحد معه علم يحطه يشيله
يحدى امرين بطن الارض والا ظهرها
المعاني ثقيله والمواقف ثقيله
يامدور ذهيبه منهو اللي ذكرها
دحيم
التقا الجمع والدنيا عريضه طويله
والحذر ما يفك الادمي من قدرها
فيك حيل ومع الاجناب حيل وحيله
واطلب الله يسهل يا حبيب سفرها
حبيب
كان تبغا عميل ما يبور بعميله
خل عينك بعيد بعيد ترمي نظرها
الهواء قبلنا لاقيه مجنون ليله
مات ماشاف ليلى بعد كدت شعرها
دحيم
والله اني جزيل ويستحب الجزيله
بشروعين هذا العازمي في سهرها
يا حبيب ترا آدم مات ماني وكيله
وانت ماتقدر بيدك تنزل قمرها
حبيب
والله مامدك باليدين البخيله
لوتجيب القبائل كلها من ديرها
خل صدرك وسيع وجنب المستحيله
والعصا ما يعصى عودها اللي شقرها
دحيم
اشرب الجم من هداج ما هو ثميله
واليدين الطويله شرعنا ما قصرها
مانقلت الدواء الا للكبود العليله
والخطوط الطويله تتعب اللي شهرها
حبيب
بير هداج جمه ماتغطه نثيله
ليش اعلمك عنها وانت عندك خبرها
وحليل الزنود اللي تشب الفتيله
والجبال الرواسي من يدربي حجرها
اختيار بشير الرشيدى دحيم الرشيدى