غياب وآمال

خل الغياب يعلمك كل ماطال
موت الدموع بعزها وبشرفها
اللي بقت بعدك وسط عين رجال
هد الزمن حيله وهو ماذرفها
وآقف على باب الرجاوي والآمال
يوم الحصون يدكها من جرفها
النفس تجمح لكن العقل خيال
إيعنها من ضيقها ويحرفها
إذا هجدها تالي الليل غربال
كنْت صدا صيحاتها في طرفها
بإيمانها لحمول الأيام تحتال
وفي صبرها كن الهموم تعرفها
تقبل على مايرضي الله بإجلال
وتصد عما يغضبه من سرفها
لو الشقا سوابها مثل الاطلال
اللي حزن ذا الناس كله كرفها
بقّيت مثل ماهي من الجال للجال
والناس مابه شي عنهم صرفها
توزعو بأطلالها ألوان وأشكال
اللي تغرف الحزن واللي غرفها
مات الأمل في خلق ربي ولازال
باللي خلق فيها الحياه وعرفها
فإن شفت في ليل اللقا بادي هلال
قل للحياه .. الله يحيي ترفها
واللي تطيح من الفرح طيحت أثقال
أغلى مايملكه الفقير وصرفها
بقيت رغم طول الجفا قدر رجال
هد الزمن حيله وهو ماذرفها
* شاعر سعودي