مشاريه الزمان

اللي توطي قيمة الرجال
تراها ما توطي قيمتي بعيون خلاني
يابو وجهٍ حسين ومنظراً جذاب كيف الحال
عساك بخير وإلا لا تجاوبني عشاني
ترى صورتك بعيوني وبعيون البشر تمثال
وأنا أعرف قيمة التمثال لو الشوف مجاني
يموت الشك لو يحيي الجماد وتنطق الأطلال
ويعيش الصدق بالمجهول عند العالم الثاني
تعال ادخل معي بالدردشة واستقبل الإرسال
على جو الخيال اللي بدون رضاي مشاني
تبيها جد جد وكان تبغاها هبال هبال
عليك اللّه وأمانه ما تعوّد غير قنعاني
تراني ما بديت إلا بعد ما شلت حرف الذال
لأنه فعل من حرفين عكس اسمي وعنواني
أنا من قوم هيبتهم على روس الجبال جبال
يشرفني مقامي وافتخر بأفعال جداني
يابو وجهاً حسين أخذ الكلام اللي بدون جدال
تراك المظهر اللي ما يغيرني على إخواني