فخ الحب !

شفني حبيبي...
رغم كل المحاذير
الخوف والليل البهيم وظلامه
جيتك على الموعد...
ومن دون تأخير
يوم اهتنى قلب الخلي في منامه
ما ردني عنّك... طويل المشاوير
وإلا العذول اللي يسمّ بكلامه
لو هو لمزني...
قلت له: خير يا طير؟
ما همني هذره...
وزايد ملامه..!!
ب..اسير لك ... لو كان يتعبني السير
كانه على شرواك...
....مابه ندامه!
ما أطيق هجرانك...
ولا به معاذير..
مادام قلبي فيك..معلن هيامه
لبست تنّوره... من أحلا التنانير
زرقاء...... بلون عيون زرقاء اليمامه
وبلوزةٍ فيها خطوط و دواوير
ثغرٍ مدور...
والخطوط ابتسامه..!!
ونسيت من شوقي....
احط المناكير
والخصر....ما حطيت حتى حزامه
وجيتك عسى ربي يمسيك بالخير
ياهي تجنن....
كشختك ب"العمامه"
والثوب والياقه...
وطقم الازارير...
وسامةٍ ما بعدها..من وسامه
ملامحك فيها...
مهابه وتقدير...
شيمه ونخوه...
واعتزاز...وشهامه!!
أحس جسمي فيه رعشه وتخدير
ما أدري وربي يا حبيبي علامه؟
يا ليت فيني بس تدري وش يصير
لا لامست يدك على الخد ..شامه
ما شفتني؟!
ضيّعت كل التعابير...
ضيّعت حتى طرحتي واللثامه..!
من غيرك اشغلني حبيبي عن الغير؟!
بالله من غيرك ملكني غرامه؟!
خل انتهامس....
...مثل زوج العصافير
والعش حلم ٍ فوق صهوة غمامه
تطير كل شوي...
وشوي وتطير....
صقرٍ ب"فخ الحب"وقّع حمامه
وأبوح لك ب"السر"
والسر في بير......
باللي ورى عوج الضلوع وأمامه!
وعقب الوناسه....
...وانفراج الأسارير
قلت: الوداع...
وقلت لي: بالسلامه..!!
أودعك........
والعقل مشلول تفكير
اثري تركته في مراتع هيامه..!