افتح الشباك

من كل الزوايا
طلّ من وجهي عليّه!
قفّل الشباك لحظة
مين ذاك اللي يشيل الصمت فمّه!
مو أنا
أنا صمتي شالني من دون ذمة
افتح الشباك ثاني
مين ذاك اللي نسي وجهه ورا دربه وجالك
طلّ من وجهه عليه وشوف كم يشبه وصالك
مرّ في صوته مثل غصة تلقفها ابتسامة
مو أنا اللي: شابهه كثر اختلافه
قفّل الدنيا ورا عيونك تلّفت
ارجع لظلك
لغلّكدوّر الدنيا
اختفت من شْهر يمكن
دوّروها في رفوف ايام وسنين
ولقوها ما لقوها
* * *
اخرج من الياس
نادني با بن الأسامي كلبوها
افتح الشباك مرة
سكّر عيونك عيونك
افتح عيونك بدونك
* * *
التفت لي
انا هذا
هذا انا اللي علّق الصبح القصيّ
وطارت بصوته حمامة
قول حاجة
انفعل من داخلك ماني نبيّ
ولاتخاف من انهدامه
سكرّ السكّر على شفاهك
ناده ناده
ليش لمّا يساورك شكك توقّف كل نظره
ليش ما اشدّ انتباهك!
اوقف اوقف
عيني بعينك حنينك
اطلع مْن اقداري، وحاول بنبرة
ارجع اطلع
اطلع ارجع
غيب فتش في الشوراع
عن ظلالي
نادني واجيك ساكن
نادني وانت الاماكن
قول غاب بشرع غاب
وضاق في نفسه
وشاب
وقفّل الشباك
قفّل الدنيا وراك
وعود ليلة من ورى ليلة لليلة
ليلة ٍ طليّت من وجهي عليّه
وقلت:
أعرْفك .. انت من وجهي وفيّه
* * *
والتقينا مثل جيّة!
ضعنا في ايدينك يدينك
لأ
طحنا في يّديّه