... أحزاني

صايم ومهموم وأحزاني هي أحزاني
يعني يا هالناس.. لا أسمع ولا كلمه
ضايق..أدور لنفسي ودي القاني
وأقول يا نفس إنسي ضيقي وهمه
حزين.. مدري علامي ويش هو جاني
وأنا أخبر إني بشوش وفرحي أضمه
اضحك وأجامل ولد عمي وأخواني
اعلم بما حولي وما حولي مطمة
لو أكشفه اخسر أصحابي وخلاني
ولو أنثره ورد ما لقا واحد يلمه
اطمح أعيش العمر يا ناس وحداني
هذا طموحي ومنه تنبني أُمه
لذلك أعيش وحدي عالمي ثاني
عايش زمن آخر وتدفعني الهمه
لو كنت تدري بأن الحظ سجاني
فكيت أسري وسجنك استحى دمه
تعال خذني من أقصاني إلى أدناني
خذني مثل طفل عايش في حُضن أمه
تعال نجلس سوا من فوق الأمزاني
خل العرب تحت وأنت اجلس على القمة