استغل عدد من الشعراء والشاعرات مقدم العيد السعيد فجاءت بطاقات معايدتهم شعراً على النحو التالي: الشاعر إبراهيم السمحان: بالعيد اهنيك وادعي لك وأجدد العهد مع حبك نفس الوله نفس حبي لك وأسلم وسلم على قلبك الشاعرة بنت أبوها: نبي ملابس عيد لجروح (ن) جداد معاد تاسع هالثياب القديمه تبي تعيد.. جت على العيد.. وش عاد دام النوايا بالنهاية سليمة عيدك مبارك عاده الله وينعاد في خير من فضل إلا اله ونعيمه الشاعر بدر الظاهري حاولت أدور لك كلام ولقيته مع أكثر العالم.. ولا ابيه ينعاد اللي مثل قدرك نجي له ف.. بيته ونبلغه منا تحيات الاعياد صاحبك يفرح لا نصيته وجيته اما بلا ميعاد والا بميعاد ويعذرك في حالة غيابك (فديته) وبالحالتين الحب والود يزداد الشاعر ناصر عواد المحياوي: لجلك بدرب الوفاء لك صيت وميقاف ثابت عنه ما تحيد حملت عذب الحروف وجيت اهني جنابك بيوم العيد الشاعرة الراسية: يا الله عسى طول السنة عمرك اعياد ويا الله عساني من فرح قلبي اعطيك جيتك قبل كل البشر قبل الاجواد مبروك عيدك يا عسى الله يهنيك الشاعر عبدالواحد الزهراني: سلام يا اللي ما ندور بداله باب الغلا بين المطاليق مفتوح عيديتك مهي مجرد رسالة حتى ولو سطرتها من دم الروح الشاعرة رنين الذهب: قم يا بخور ارقص على نسمة العيد وارسل عبير الورد لاغلى الحبايب خل الوصل يكسر جفاف المواعيد ترتاح عيني لا تلاقت بغايب اشتقت لطبول الفرح والاناشيد ولشوفة الغالين اهل وقرايب ولنقشة الحنا وصوت الزغاريد ولضحكة الدنيا على وجه شايب في العيد ما نقبل شروة ومناقيد الا على من هو عن الوصل تايب وانا عشان العيد بهدي لك العيد اغلى هدية دون لوم وطلايب
