بحر العشق

دشن بحر العشق من اليوم
تراك والله ما تذوق طعم النوم
من بعد ما تشوف درب الحب واللوم
بحر.. العشق تراه بالكبر ما يوصف
وأنت بالكلام مستحيل توصف
جمالك يغرقني في بحر ما يوصف
وعيونك تسحر من شاف دون ما توصف
آه.. يا زين ذيك العيون السود
اللي يندق لها الناي والعود
تراهم حوالينك مثل الدود
انت.. آمر وقلبي عن يذود
تراني رافع الهودج.. فوق اظهري
وراحل ماني معود ولابي حبك
رحلتي تراها بعيدة.. تراها لقبري
ما هو ذاك القبر اللي ضربك
بعدي عنك واشتياقي لك تراه قبري
بدر السما وين من بدرك
ناظرني ياخلي مثل الجمل صبري
تبعد.. وتصد وتهجر هذا دربك
تراك لا الحين ما عرفت زين قدري
ولا تظن أني بركض ورا.. قربك
صبرت عليك شهور وسنين عمري
وأنت لاهي ومبعدني عن قلبك
حبيبي خليتني اسهر الليالي
في حبك وانت ما تبالي
تداري سحر.. عيونك عني النوم
تقوم وتعود علي باللوم
وينك يا حبيبي تراني ساري
واليوم ماحد عني بداري
ان كان يا حبيبي تظن فيني
ترا فيك قصايد الكون ما تكفيني
لو تناظرني من غيرك كلي هموم
ومعك اعيش انا بين النجوم
كدرت حياتي وقلبتها أحزان
من بعدك اللي ما له أمان
حتى الحمام يرد لعشه.. وقلبك ما تبيني أدشه
وكل ما أضويت أنا الشموع.. تخليني أطفيها بالدموع
بس تراني ما أقدر أسيبك
وياليت سهم قلبي يصيبك
علتي تراها في اثنين
في سحر عيونك وفي قوامك الزين
آه.. يا أحلى عيون.. ليش علي تزعلون؟!
شعر: أنور عبدالغفور