المجد

شعر - ريميّه « حصة هلال المليحان »
عمر الردي ما ينفعه طيب جده=ينقال نار وورثّت له رماده
فخر الولد بالفايته ما يجِدِّه=لاصار ماله قدحة ٍ من زناده
قوم ٍ على ذيل الليالي مصدّه=يبطي دليلتها يلاوي سواده
الفخر ريح ٍ والفعايل تسده=والا ترى بالصمت عنه سداده
الصيت ابو حدين حده مضده=من شال ابو حدين يلزم شداده
المجد ماهو سفرة ٍلوتمده=يوم السّفّر تمدها كل غاده
والمجد ماهو قافيه يامكدّه=القاف ماكاد الحراير اكداده
المجد عاصي يبي شده وعده=حل الْعقَد يااللي تريد الْعقَاده
يا لابس البالي بالايام جدّه=وين الهروس الهارسة من جداده