أنا ياما

أبكتب فيك واتساما..قصايد جن!
أبخلي مساء الخير:قصيده غير!
وألوّح في قفص صدرك:مسائي طير!
ظلامك ضوء أحزاني
وانا ماني ..سوى عاشق بجهلك يرفض التنوير!
وخوذيها قصيده نصفها أحزان!
ونصفٍ يرفض الأوزان!
ومدام ان الموادع حان..
أبنحاز لجفاف ودمع
وابسبل بالقوافي قمع!
عشان”سيادة الناقد”..يعرف إن إختصاري جمع!
تعالي واسكبي كفوفك مع حبري!
أنا شوفك عنيده واسألي صبري!
وابصرخ إيه”كت…”
عزفتك وأخذل النوته
وآهيجن :
“هبّت هبوب الشمال وبردها شيني”!
وأتساما أنا ويني؟
بعيد هناك تدنيني!
وتحمل بعضي يديني:
على شرفة يباس وبؤس.. على العاده توديني!
أحبك :والغي التخمين!
أكررأنقسم نصفين:
قسم يرغب وطن روحك.. وقسمٍ يرفض التوطين!
أمانه محرجك صوتي؟
وموتي وانفعالاتي!
أحبك واعربي الآتي “قفص مات ونعاه الطير”!