منفى حزن

(منفى حزن)نص شعري جديد خص به شاعرنا الغائب الحاضر:نايف السميري صفحة شموس ومع ترحيبنا به وشكرنا لثقته وحرصه ندعوكم لمشاركتنا قراءته... يقول:
كثير كثير ادورني=وافتش بكل لحظاتي
واشوفني واتكابرني=بعين حرفي وضيقاتي
ملامحي ماتفسرني=مزيج من بعض حالاتي
لو شفتني لاتصورني=مسكون بأقصى احتفالاتي
معجون بالحزن واذكرني=مليت حتى ابتساماتي
الحزن كنه معاصرني=من غفلتي لانكساراتي
من كثر ماصار يسهرني=صار اقرب امن احتمالاتي
يمدني لين يشعرني=انه وطن لإنتماءاتي
احيان نزوه يسافرني=لين اتبرا من اوقاتي
واحيان بالحيل يكسرني=من كثر مافيه من ذاتي
فتشت عن شي يذكرني=بين احتمالي ورغباتي
ورديت مكسور ادورني=وحصلتني دون هقواتي !