التعليقات

تعبت أكتب على شط الامل بالرمل احلامي=وانا اشوفه يزيل اللي كتبته فيه بامواجه
رجعت اجمع من الأصداف ياسي واجمع آلامي=كذا اتسلّى وانا أجمع ولو مالي بها حاجه
سليت بجمعها واثري نثرت آمال أوهامي=نظرت .. إلا يقيني منصدم ويعود لادراجه
رجع مذعور يبكي وارتمى في حضن اقلامي=بعدما شاف قرش الياس له نيبان وهّاجه
كذا يا وقت ..! يعني ما تشوفه منظر ٍ دامي=عجبك اللي فعلته باليقين وقمت بازعاجه ؟
ويعني ما كفاك الجرح جبته داخلي ضامي ؟=تعبت ارويه من دمي زلال وتدري احتاجه
ويعني ما كفاك أشعل ظلامي كل أيامي ..؟=أشوفه موحش ٍ ودّي اقاوم واطفي سراجه
حرام أغزل بيدّي من خيوط الهم هندامي=وانا مبغاه .. تجبرني على لبسه وديباجه
جعلت المُر لي محوّر تمشّت فيه اقدامي=وانا مُجبر علي ابقى سجين بداخل سياجه
متى تفتح من ابواب الامل لو باب قدّامي=قضيت العمر عاجز ما قدرت آزيح مزلاجه