أعوام الهوى

الشاعر أحمد سارح يشاركنا بقصيدته ( أعوام الهوى ) والتي خص بها ( ملامح صبح ) ومع شكرنا له وتقديرنا لحرصه وتواصله معنا، ندعوكم لمشاركتنا قراءتها حيث يقول:
ياخمسة اعوام الهوى مشكوره =شكرا على الجرح الدفين ودرسي
اخذتني ب اسم الوفا واموره=واعتقت نفسي منك ليلة عرسي
ايه اضحكي للدرب يا مغروره =ليني على كيف امنياتك واقسي
راع الحضور يبين قبل حضوره =وراع الغياب ولو تواجد منسي
بالظبط مثل الساحه المغدوره=عن صوتها يابعدي وياخرسي
شعار شاعر صوت شاعر صوره =وشاعر صياح وفيه شاعر نفسي
وشاعر يضيعهم بربع اظفوره=ماهمّه الراضي ولا من حمسي
ان جيتها جيت بيدي بلّوره=وان رحت مايذبل لو ابطي غرسي
مريتي اقلام الشعر مكسوره =حتى استقمتي تحت نغمة جرْسي
ماكنّك الا الحلم بعد الثوره =من يوصل بصوت العرب للكرسي
وصله ولا امدى ينكتب دستوره=عيّا البحر من قو موجه يرسي