(خل السواقي)

الشاعرة تهاني بن جريس أو شاعرة الجنادرية كما يطلق عليها أثر تتويجها بهذا اللقب من بين أكثر من عشرين شاعرة ، خصت صفحة ( ملامح صبح ) بقصيدتها ( خل السواقي ) ومع شكرنا لها وتقديرنا لحرصها ندعوكم لتشاركونا قراءتها لتستمتعوا بما يتميز به شعرها من عذوبة حيث تقول :
عقب الجحود وسرمدي الطيش و دفون النقا=جاي بسهوله تسترد أحبابك بشهد اللسان !!
خل السواقي واترك البستان مابي لك سقا=مالكٍ حشا ما تستحقه مالك بقصره مكان
كنت الشموخ اللي على عرشه تعلَى وارتقا=واليوم شيخ الصبر عزّم يخلعك من كل شان
سودت وجه الامنيات ولامت اللي بك هقا=والنسمه اللي تنطرك طفت ليال الشمعدان
قلي من القلب الذي طاح وتحطم وش بقا ؟!!=جرّعته السم وترجيت الجثث تزهر حنان
العشق وأشواق القصايد والليالي واللقا=ذكرى ولا لك منها غير الندم والامتهان
حولت من درب الهوى واخترت لي درب اصدقا=أنا وليلي والقصيد اللي على ظهر الحصان
أول نرحب بك هلا ويا مسهلا وابك البقا=واليوم مجلاسك خطر يالجاحد ومالك أمان
سديت بابي صوب وجهك واسترحت من الشقا=ماللنفوس الخاينات إلا ملاقات الهوان