جنون

تعبت أدور للحلول ومعظم أفكاري جنون
أستصغر أعظم تضحية وش راح ولا وش بقا
ياغايبة ياما على وصلك تقلبني الظنون
مابين كلم لاتكلم ياسقا الله ياسقا
بس المحال أقرب ظنوني وأنتي ظنونك تمون
تبقى الخطاوي تايهة بين المفارق واللقا
إن كان ظنيتي وصل جاك الوصل بعد العيون
وإن كان ظنك في الفراق أقول لله البقا
عشرة على درب(ن) كتبنا بآخره كلمة تهون
وحب(ن) قضى عمره وهو يمشي على وضح النقا
أطارد أنفاس الحكي وأنتي تطاردك الشجون
ويموت في لحظة وفا قلب(ن) ورا الضلع اتقا
طير الحزن غرد على ضلعي وجاذبني اللحون
ويعلم اللي مادرى بمفارق اثنين عشقا
والله ماحسيت ضلعي كون من جرد الغصون
اللي تميلها ذواري البعد ورياح الشقا
ولو لاح براق(ن) تلالا وسط دهمات المزون
يلوح بي برق الهوى ياما نزل ولا رقا
وتعبت أدور للحلول ومعظم أفكاري جنون
دام الهوى في سطوته يخلف هقاوي من هقا
سالم بن لجعان