(طعون الكتابة)

ماجت.. تعاندني
لاني كتبت / ولاهي حكت
حرفي بليد..
عيت تجي.. تجلس هناك..
تزرع ظلام المرحلة
ياكلني الليل..
لاجت تجي / عيت
تجي /
وجه الحكي.. بارد.. جليد..
مافكه المرجل الحار.. ولا فتيل..
ليلٍ هشيم..
من يجمع الليل الهشيم..؟؟
آه : ماكنت أنا الجافي..
ولاكنت أنا الخصيم..
في زمان البرد ..
ندفى على حكي.. وقصيد..
نرقى النخل..
ناكل / من / عذوق النشيد..
آه.... يازمان أول..
يرسم على وجه القصيد..
بيت جدي.. وبشته.. والحطب والنار..
ودله.. و.. وجار.. وروح / شاعر..
ماعانده قاف..
ولايغلبه.. معنى..
في سنة أولى..
تعلمت الأبجدي..
مافك حرفي.. كود / أستاذٍ.. قديم..
باقي عصاه.. بجلدي..
ما يرعب الدرس الكتابة..
ولايقتل الركض.. المسافة..
ياعذابه.. من عناده
شاعرك والليل..
نايم.. في.. عباته..
ماجت.. تجي/ عيت
تسلّ.. بوجهي طعون الكتابة