ملهمة ألشعر

افتتح صاحب السمو الملكي الأمير فيصل بن خالد بن عبدالعزيز أمير منطقة عسير مهرجان صيف عروس الجنوب (أبها) ومن ضمن فقرات حفل افتتاح المهرجان كان هناك هذه القصيدة لشاعر أبها المتميز علي البورعي وفيها يقول:
فن الخطابه وفن الشعر يابغى ارتجال=وأنا أرتجلت البيوت الشرد المبهمه
أدخلت فيها فنون الشعر غير السجال=وألشعر أذا ما أكتبه بأحساس ليه أظلمه
أبحث عن أغلى البيوت النادرات الجزال=بحث المنجم عن الألماس في منجمه
سلام ياسيدي فيصل كريم السبال=يامن خذيت المكارم والتواضع سمه
ملكت كل القلوب الا ملكت الرجال=بطيب والعفو والتقدير والمكرمه
أبوك خالد ولا يبغى لطيبه جدال=غيث الغلابه وبحر العطف والمرحمه
هذا وأنا ياطويل العمر قلبي محال=يتوب عن حب عذراء عايشه في دمه
عذراء عطاها ألاه الكون طهر ودلال=تبعثر الغيم لامن ثار وتلملمه
تحب وتغار وتباهي برب الجلال=وأتعذب العاشق المسلم وهي مسلمه
لاهي عروس البحر ولاعروس الشمال=بل هي عروس الجنوب الفاتن المغرمه
أبها ولا غيرها أبها بديعة جمال=ترسم من السحر ما تعجز به المرسمه
غنى محمد بها واجد وغنى طلال=واللي يغني بها معجب تزيد أسهمه
نحسد على جوها وجبالها والتلال=وسحابها اللي يطيح الثلج من مبسمه
من قمة السوده الخضراء الى بو خيال=بالغيم كنها هنوف بكر وملثمه
ومن طور تهلل الى الجره مرب الغزال=اللي بسحر الطبيعه والحلا مفعمه
ومن الحبله الى القرعى تفوق الخيال=وأبها الجديده تنال من الجمال أوسمه
تقول لسائح المصطاف هيا تعال=خل التزامك وسافر واربط الأحزمه
عانق سحاب الجنوب النابيات الثقال=وللي بقى لك من أيام الحياه أغنمه
تابع هطول المطر والشمس عند الزوال=وأقطف من الفل ولا الياسمين أنعمه
ياديرت الحسن صرتي اليوم مضرب مثال=وأن همت غنيت لك لو بس بالتمتمهم
فتون في جوك الساحر وأبد لا أزال=أنظم بك الشعر وأرجع لك وأعيد أنظمه
أتنفسك من غلا وأتنفسك من جمال=وإن كان لشعر ملهم فأنتي الملهمه