بعد سرقتها كريمات تجميل : سوري يصفع زوجته مرتين ويطلقها بالثلاث داخل السوق

استشاط سوري غضباً وصفع زوجته مرتين قبل أن يطلقها بالثلاث " دفعة واحدة " أمام مسؤولي أحد أسواق التموين الكبرى في مدينة الرياض الذين ضبطوها عبر كاميرات المراقبة وهي تسرق كريمات تجميل لم تتجاوز قيمتها 95 ريالاً وتضعها داخل حقيبتها اليدوية .
وكانت الأمور طبيعية حتى وصل الزوج وزوجته إلى الكاشير وبدأ بالمحاسبة عن الأغراض التي تم شراؤها وعندما لم تخرج الزوجة الكريمات المسروقة للمحاسب طلب منه مسؤولي السوق مرافقتهم إلى مكتب المشرف للتفاهم معهما بعيداً عن أعين مرتادي السوق الذي كان يعج بالمتسوقين ، وعند استفسار الزوج عن الأمر أخبره المسؤولين بما رصدته كاميرات المراقبة وطلبوا تفتيش حقيبة الزوجة وحينها صعق الزوج الذي بادرها بصفعتين قويتين على الوجه وطلقها أمامهم بالثلاث ومردداً على أسماعها أنه لم يقصر عليها بشئ وأن لاداعي للسرقة وسط ذهول واستغراب مسؤولي السوق الذين لم يتوقعوا ردة فعله تجاه الزوجة السارقة والتي فقدت زوجها من أجل 95 ريالًا !
حرام يطقها المفروض يعاقبها من الخروج من المنزل
تستاهل وعلا قول الزوج انة ماقصرمعاهافي شي ويدالسارق تقطع والله هدمة بيتها بيدهاياالله يقول المثل عيش كثير تشوف كثير
ليييه بيضربها ...؟؟
طيب ياخي بسوريه بيسرؤ بالهبل ....
والا ماشاء الله مسوي امين لانو بالسعوديه ....
عواااااااافي ......
مشهد حزين تم اجادته من الشامي وزوجته؟
هل سيتم عرض المشهد خلال شهر الخير ....
واسالووووووووووووووووووووووووووو
كفو والله يالسوري
عز الله ان هذي الرجوله
بس مهوب كاْنك اسعجلت
في العقاب والطلاق !!!!
انا اقول لو صار بعد الذهاب للبيت
لكن هالسوري الله يكثر من اجناسه
ترا هذي العزة والكرامة
شوفو ما قدر يصبر على دناءتها وردات نفسها
والله يعوضك خيرا منها
تقبلوا تحياتي(؟) (؟) (؟) (؟) (؟) (؟) (؟) (؟) (؟) (؟) (؟)
يحول تهدمت اسره بسبب 95 ريال فقط ياأخي بعض النساء عليهن طلعات خبله..
لا حول ولا قوة الا بالله
لم يكن الطلاق علاج
الله لا يجزا صاحب السوق بالخير
الله يجعلة يفلس
كيف يتصرف كذا :::: من المعروف ان يكون ردة فعل الزوج كذا ::: حيث من المفروض التصرف بطريقة اخرى بعيد عن اعين الزوج مثل ان يطلب من الزوجة عن طريق احد النساء بتفتيش الزوجة و اذا وجد معها شي مسروق يتم مناصحتها بدون علم الزوج ثم يخلاء سبيلها بطريقة ذكية
الان هدمو بيت الزوج و الزوجة علشان 95 ريال
انشاء الله يفلس صاحب المحل يا رب
والله اغلطت غلطة كبيرة لكن العقاب كان لها اكبر وتستاهل عقاب بس مو هالدرجة
ومشاء الله علية من رجال مارضى بالغلط كله مروئة وشهامة ماقبل ان زوجته تخدش شىء من كبريائه
ونعم الرجل لكنه قسى شوى
شكله يبي الفكة منها بس ينتظر اي شيء عليها
الله يسترنا بستره
بسم الله الرحمن الرحيم
إذا سرقت الام فلاخير في الولد تعلم عيالها
ونحنونعلم اولادنا متعلقين بأمهتهم اكثر من ابائهم
المه خير ما فعل من اجل تتأدب لو رجعها
ويعجبني في قوله لم اقصر عليها بشي بعض الرياجيل مقصر حتى بالكلمه الطيبة
اولادك لاتقصر عليهم بلأم الطيبة الخيره
ألام مدرسة إذا اعددتها اعددت شع طيب الاعراقي
تنزه بيتك وعيالك عن الحرميه ةارباب السةابق والمخدرات وتحذرهم من الشر
فكيف إذا كان الشر في بيتك وامهم
كفان الله وإياكم واولادنا واولادكم كل شر
علقة من النوع الثقيل للزوجة
شر البلية ما يضحك
والله موقف محرج للزوج
أما يوجد طريقةأفضل قبل هذا التصرف
علماً بأنه دائماً ما يحصل مثل هذا العمل ويتم انهاءه في حينه إما باسترجاع المسروق أو دفع ثمنه للخروج من هذا الموقف المحرج
ولكن إنه الشيطان الذي يجري من ابن آدم مجرى الدم
هدى الله الزوجة
هدى الله الزوج وأكيد إنه تحسف على العجلة في اتخاذ هذا القرار
انتبهوا أيها الإخوة فأنتم مراقبون من قبل الذي لا تخفى عليه خافية وفي أي مكان وزمان .
حرام يمكن نفسها فيها لا مبوالسرقه اللة يهديها واللة رجال السورى ابضاى ههههههههههههههههههههههههههههههههههههه
مع احترامي الشديد للزوج تصرفه غير صحيح !!
والله اعلم أن الزوج لا يعطيعها بعض ما تطلبه لذلك لجأت للصرقة !!
طبعا تصرفها خطا لا شك ، وكان المفترض على الزوج معالجة الموقف بتريث وأناة والتفاهم مع الزوجة في المنزل !! والله يهدي الجميع
بس مو ذااا الحل بالطلاق ولابد امتلاك النفس عند الغضب,,,
اتوقع,,, لو عرف مسؤل السوق انه بطلق كاان عدا الموضوع,,
رساله للزوج الكريم:::ان يرجع زوجته لانه وقت غضب،،
انتظر ردردكم ودمتم,,,,,,,,,,,,,,,,,,,,, المسافر
ممكن يكون فلم فإذا كان السوري مسيحيا لايعتد به طلاقه تكون حيلة للتخلص من الباعة
يارجال مسرحيه
لكن من الفشيله والا هو عارف من اول
سوري غبي ومتخلف حتي لوحصل هذا الشي فية طرق كثيرة تقدر تعاقب زوجتك
بس ماهي بها الطريقة الغبية الي أنت سويتها
لاحضو انها سرقت كريمات تجميل!!!!!! وهو يقول لم اقصر معها بشي طيب من لوه تبي تسرقهن ادوات التجميل اكيد لزوجهاااا( ) كيف مرت عليكم هاذي تقبلو مروري (ابو ندى)
هل هي زوجته او تمثيليه ؟
الله بجير مصابهم والسوري مسلم عربي
والحاجه والفقر جعلتها تسرق
ولعل انه في حالت غضب اللهم الطف بما يارحيم
بعض الردود لاتملك الا ان تدعو لهم بالهداية
السلام عليكم
لاحول وقوة الى بالله
الموضوع ممكن ينحل ببساطه هي معقبة الرجل زوجته ودفع القيمه والتوبه الى الله
اعتقد والله اعلم بأن الطلاق لايقع في مثل هذه الأحوال وذلك لأن الرجل في موقف الغضب الشديد عطفاً على موقفه المحرج جدا جدا امام الناس .. والأعمال بالنيات ولكل أمرىء مانوى .. ولاكن في مثل ذلك يجب مراجعة المفتي العام لشرح ملابسات الطلاق واعتقد بأنه طلاق لايقع و في غير محله بفعل الغضب الشديد وفقدان اتزان عقله ونفسه حينها والله اعلم
ياجماعة الخير لا احد يتشمة الله سبحانه وتعالى امر بالستر
ههههههههههههههههههه مهوب واقع الطلاق لانوه اصلا مهوب رجله
ياخي عندي احساس انه تمثيليه من سوري وصديقته انهم اذا طاحو بنا ابقولتس انتي طالق بالعشر عشنا وشفنا لا ومتحمسين الناس بالردود الله يخلف عليكم بس ماتعرفون السوريين زين
لاحول ولا قوة الا بالله .... اكيد انها طلبت من الزوج شراء الكريم ورفض ...قامت دسته في شنطتها الغبيه وما تدري ان فيه كميرات .... بس انا اويد ضربه لزوجته لانه بصراحة موقف محرج جدا عندما يقولك شخص انه مصور زوجتك وهي تسرق اما الطلاق فبصراحة غلط ..
خرطي × خرطي
مجرد تمثيل
حتى ما ينكشفوا
قديمة جدا
(المؤمن كيس فطن)
كان يجب على مسؤلي هذا المحل التأكد من السوري والمرأةالمرافقةله،أنا لاأتهمهم ولكن ربما تكون حيلة منه ليتخلص من هذا الموقف الصعب ، قدتكون ليست زوجته كأخته أوغيرذلك،أوعلىديانة غيرالإسلام بحيث لايقع عليهاالطلاق كالنصرانية.....
أعيدوأكررأن هذه إحتمالات ينبغي التأكدمنها.
مشغلين انفسكم بهالسالفه
تاكدو انها مسرحيه يعنى الان السياح اللى يروحون هناك حتى رجال الامن يسرقونك جاى ابو شكيم يعمل فيها راعى ذمه
تلقاهم بالبيت انواع الوناسه وبلا طلاق بلا هم
قرار متسرع من رجل لايقدر الحياه الزوجيه
هيه صحيح غلطت ولكن بفعلته ارتكب اكبر غلط
والله انه شنب وابظااااااااااااااااااااااااااااااي هالششامي وهي تسستاااهل ،،،
وممكن عاااااد بكرره يررجعها وشو بدك وتئبرني حبيبي وبيخووور ابوشكيم وبيرجعها لانها تعتبر طلقه ووووووواحدة
بس تعليق عكرمه ..
شكلك قصيمي من اصل بصراوي . معلوم مو البصراويين اللي هاجروا لنجد اخذوا معهم نخلات البرحي
مهما كان مو رجوله انه يضربها قدام اللي يسوا واللي مايسوا
وفيه والله سعوديات بعد يديهم طويله بالاماكن العامه ويسرقون عينك عينك مو لانها مو سعوديه بنكون ضدها ............................................ ولو زوجها فعلا مو مقصر عليها كان دفع للمحل ضعف المبلغ ورماه بوجههم وبالبيت يتفاهم وياها مو يعلمهم انه حمش ؟؟؟؟؟؟؟؟؟؟
ولو مقص ما مدت يدها ............... لو مقصر مامدت يدها
قال شو سوري مو مقصر دخيلو
ابوشهاب على غفلة ! ! !
كان صرت حليم مثل ابوبدر وعصام ! ! !
خخخخخخخخخخخخخخخخ
أنا والله ماأقدر افتيكم بشين بس أحس ان تصرف الزوج غلط بغلط حتى لو ان زوجتوه اخطت.. لأن حنا نقرا أحاديث الرسول كله تنهى عن الغضب والنهي عن الاستعجال في اتخاذ القرارات
(( ليش الشديد بالصرعة إنما الشديد الذي يملك نفسه عند الغضب )) حديث شريف
بعدين هو يحسبوه نوماس انوه يصفع مرتوه والرسول عليه الصلاة والسلام نهى عن ضرب الوجه عن معاوية بن حيدة رضي الله عنه قال : قلت يا رسول الله ، ما حق زوجة أحدنا عليه ؟ قال : (( أن تطعمها إذا طعمت ، وتكسوها إذا اكتسيت ، لا تضرب الوجه ، ولا تقبح ، ولا تهجر إلا في البيت )) حديث حسن رواه أبو داود
واللي شانين حملة على المرة ترا مهما كانت هذي مره ضعيفة الرسول وصاكم بالاحسان لهن ولكم في رسول الله اسوة حسنة (( أكمل المؤمنين إيماناً أحسنهم خلقاً ، وخياركم خياركم لنسائهم ))
والله سبحانه وتعالى حط لنا أحكام وشرع نمشي عليه ،، وحط لنا الحدود القاتل عمد لوه حد انه يقتل ماقال عذبوه ،، والزاني والسارق كل ياخذ الحد زي ماجاء بالشريعة ماقال السارق اصفعوه
والمرة غبية كان تداركت الموقف وقالت كنت عم بمزح معاكم
لاحول ولا قوة الا بالله لاتشمتون ابغض الحلال عند الله الطلاق
لة لة لة ..ما حبيتها منك هاي خال .. المفروض عقاب اوكية لكن طلاق يعني الحرمة والصغار اذا كان فية اولاد في الشارع ..عشان 95 ريال..مرجلة اوكية لكن ..العوض بغيرها لانها فعلا ما قدرت الرجل وهذي عقلها صغير والمفروض تتربى وتتعلم من جديد ...
لاتصدق بسرعه لانه في البيت بقول معليش بنت عمي عورتك بس لازم اعمل كدا
ولانصير كلنا حرميه على كلن الرجال مخه نضيف وتصرف صح كي يسلم من سين وجيم
اكيد المسؤلين عن السوق خلوهم يمشون حتى الكريمات خلوها لانهم صدقوا الفلم
والله العالم انها مو زوجته صدق
يعني يطلق او مايطلق ما فرقت
ويمتهنون هالشغله ان عدت بسلام اوكي
ان انكشفوا سوا لها فلم
هالحاله مرت قبل فتره وبعد المتابعه طلع واحد واخته يتبعون نفس الطريقه .
للأسف.....
الزوجة أخطت ولكن خطأ يغتفرررر
ولكن للأسف أيضاً الزوج أخطأ وخطأه أرجو أنك ماتغفرينه له أيتها الزوجه
لأنه بعد كم يوم يبي يجي يتسلحب عندك تقل (قطو) مطعم.
يااربي
ليش يطلقها
كان عاقبها ويكفيها الكفين
الزوج استعجل بطلاقها
المهم استرجاع المسروقات وترك السارقه تخرج من السوق بدون ازعاج اولفت نظر المتسوقين هذا ما اكده لى مشرف حراس امن سوق تجارى مشهور فى جده ولايوجد جنسيه محدده بعينها فى السرقات من السوبرماركات اوالاسواق الكبرى من النساء من جنسيات متنوعه وبما فيهم بعض من يحملن الجنسيه السعوديه هذا مااكده مشرف حراس الامن حسبى الله ونعم الوكيل (؟)
ملاحظة على التعليقات سواء في عاجل او غيرها من الصحف الالكترونية هي ليست ملاحظة ولكن مصيبة هذا الجيل وهي الاخطاء الاملائية مثل :
تعليق الله اكير: الطامة الكبرى اسم المشارك ( الله واكبر ) وعلا - انة - هدمة بيتها -
تعليق سامي : عز الله ان هذي الرجوله - الله واكبر
تعليق ابو شاهر : لا يجزا - يجعلة - يخلاء سبيلها .
تعليق ام عهود : ومشاء الله .
تعليق عكرمة : ونحنونعلم - بأمهتهم - بلأم الطيبة - طيب الاعراقي - الحرميه -
تعليق عزام : اللة يهديها واللة .
تعليق ابو عامر: لجأت للصرقة .
تعليق عزوز :طيب من لوه تبي تسرقهن ادوات التجميل .
تعليق البدر : ولعل انه في حالت غضب .
تعليق الفاهم : لاحول وقوة الى بالله - هي معقبة الرجل .
تعليق الصمعاني : ولاكن .
تعليق الظرنطة : افتيكم بشين -
باقي التعليقات هنا وفي المشاركات الاخرى ....... لا تعليق !!!!!!!!!!!!!!!!!!!!!
احلى لعبه يا ابو شكيم هع
نصاااااااااااااااااب السوري هووالي معه
طيب خرجو مع بعض ولا كل واحد راح لحاله
ههههههههههههههههههههه
بس سوووها في المركز التجاري ونفذو من السرقه
مفروض تحاكم الزوجه عشان ينفضحووون صح هههههه
سوريا كله سرق ونهب عيني عينك والعقيد حقهم بكش بلطجي لا اقل واكثر
تعيشووو وتاكلو غيرها يا شعب العاطفه قال ايش قال طلقها بالثلاث ولي على امتووو
جداااوي والله انته الصحه مثلوها صح ونجو من العقوبه
رجال وابضاي كمان
ولو انك تسرعت كمان
هذا المشهد من الجزء الرابع من باب الحارة ( ويطلق ابو شهاب شريفة ) ويموت من الحسرة