إلغاء صلاحيات مديري فروع «التسليف» في استثناءات صرف القروض

قرر مدير عام بنك التسليف والادخار عبد الرحمن بن أمين نجم سحب صلاحيات استثناءات صرف القروض من مديري فروع البنك. ويأتي هذا الإجراء سعيا لضمان تكافؤ الفرص ومنعا للمحسوبية، فضلا عن مواجهة الطلب المتزايد مقابل شح السيولة.
وأكدت مصادر مطلعة أمس أن العمل بالاستثناءات سيظل ساريا، لكنه لن يتم عبر مديري الفروع. وكان مدير عام البنك شكل لجنة لدراسة الحالات الاستثنائية وتدقيقها والبت فيها.
وأوضحت المصادر لعكاظ أن نجم أبلغ مديري الفروع عبر وسائط الاتصال بالقرار الذي يقضي أيضا بأن على كل مدير فرع أن يرفع الحالات الاستثنائية إلى المقر الرئيس للبنك في الرياض حيث توجد اللجنة المعنية بهذه الحالات.
قرار متأخر كثيراً
أحد مدراء بنوك التسليف في منطقة القصيم وبينما المواطنيين ينتظرون تقديم أوراقهم دخل أحد أقاربه بطلبه له وإنتظر حتى إنتهى من أحتسى القهوة والشاي حتى خرج والشيك معه
اضحكتوني هههههههههههههههههههههههههههههههههه
تو الناس
اصلا المدراء مايبون هالصلاحيات خلاص
كل اللي يبونه سوووه من زمان وانتم نايمين بالعسل
حسبي الله عليكم
ياسلام سلم دققو في الكلمه مقابل شح السيوله الله يجيب السيل ونطلع ونوسع الصدر وننسا هموم الدنيا لو دقايق سبحانك الهم اني كنت من الظالمين
ياليت يلغي شي اسمة بنك تسليف لان مامنة الاوجع الراس والمحسوبيات والضحك علي المواطن
الله يقلعكم انتم وبنككم
شروط تقول انك اخذ مليار وبيضمنون حقهم
موظفين تقول الواحد منهم بيعطيك من جيبه
انتظار على قائمه ليت يطيح هدب عيونك
الصندوق دائما فاضي
بحسبه بسيطه .... استغفر الله
لو تسرق مثلا 30 الف ويمسكونك
يحكم عليك 8 شهور وتطلع
اليس هذا اسرع منهم
خخخخخخخخخخخخ................ استغفر الله
هذا وهو قرض راح يتسدد اخذ كل هالسنين
اجل لوكان هبة وش كانت المدة
اقول والله العظيم مدراء القصيم فاااااشلين
والبنك كله فاشل لعنبو اشكالكم الواحد يقدم اوراقه وينتظر اربع او خمس سنواااااات
والله حاله
لاكن على قولة المثل العربى
مت ياحمااااااااار لين يجيك الربيع
انشر يااااااااااعاجل
اقسم بالله ان بنك التسليف ببريدة فيه من النصب ما الله به عليم
تقدم على قرض الزواج وترص لك سنه بينما فيه ناس يقدمون بعدك وياخذونها باسبوع !
يعني شيء يبط التسبد لا من زين الموظف اللي اذا جيت تسأله عن رقمك يكد عليك
برد خايس كأنه بيعطيك من جيبه !
والله لو ترجعون للتعاريف من جهات العمل للمقترض وتواريخها وتواريخ الاستلام
وتقارنون بين المستلمين واللي ينتظرون الدور بتواريخ تعاريفهم كان تحصلون
فضايح الواسطات اللي سمعنها وشفناها في هالبنك ..
خوفوا ربكم واعطوا كل ذي حق حقه وترا هالاموال من بيت مال المسلمين
لا من جيبك ولا جيب غيرك واعرفوا ان الدنيا دنيا والوعد القيامه !
وعند الله تجتمع الخصومُ .
دوله منتجه البترول وتقول شح السيوله كبرك انا العب غيرها
سلام عليكم
مدير بنك تسليف بريدة،،،أتمنى أن تكون بأتم صحة وعافية
أن المواطن حلحيل،تقدمة لبنككم الموقر بغرض طلب توهيقة زواج(أوه أقصد قرض زواج)في 20/1/1430ه،وقالي موظفكم الكريم الصرف بعد 9شهور(حسيته حمل)
وعلى نياتي جيت بالموعد الموعود،وكل شهر يقولي الموظف تعال بعد شهر،وللحزة ذي ماشفت فلس واحد.
ما أعتب على زحلقتكم لي ومن هم على شاكلتي،وربعكم وقرايبكم اللي ببريدة استلموا،وهذا واقع وقدام عنوني،ناس قدموا بعدي واستلموا(يقولون رزقتنا وجت)يعني واسطة وتمشي أمورك.
أعتب على تسحيبكم لنا كل شهر تقولون الشهر الجاي،والله عيب حسبي الله عليك وهقتنا بالدين ونغسلت وجهينا حسبي الله عليك،لكن ممكن تقول ليه سحبو الصلاحية من يديك،لأنك مو كفؤ ولا أنت قد الأمانة.
ملاحظة/ماعندكم طريقة تواصل إلا بالحضور الشخصي،هواتف صرفتها الدولة لكم عشان تخدمون المواطنين ماتردون عليها،والموقع بالنت كذلك صرف عليه مبلغ وقدره
وبرضو مافيه احد يرد على الرسائل،حسيتكم قديمين ومتخلفين وماتعرفون للتقنية،حتى أسلوب موظفينك قديم وهمجي(موظف أقول له ليه ماتردون على الهاتف،يقول تحويلة المدير يرد عليها،قلت شغلي عندكم أبي استفسر عن الصرف،قال المدير فاضي لك وبيرد،وأحنا مو فاضين)حسبي الله ونعم الوكيل
وش الفايده هالحين بعد ماخلص الرصيد ولي لهم واسطه اصرفوا
المدير العام الجديد يحاول جاهدا معالجة الفساد الذي استشرى وسبب المظالم التي يتحدث عنها الناس ومعاناتهم من المحسوبيه والرشاوي بسبب فساد مدراء بعض الفروع والموظفين وأعتقد ان سمعة البنك ستتحسن ولكن تحتاج لمدة زمنيه لأن اصحاب المحسوبيات سوف يحاولون جر العربة الى الوراء وكذلك توفير السيولة بعد الفوضى السابقه ولكن هذه القرارات وضعت الأصابع على الجرح ونحن متفائلون
تو الناس يابو الشباب على هذا القرار والله مسخره شح السيوله وين عايشن ببنغلادش؟؟ عايشن بارض العز المملكه العربيه السعوديه ولاقصر معكم الملك بس المشكله منكم انتم ياالمدراء اجل انا مقدم ببنك التسليف اللي ببريده على قرض ترميم منزل لي سنتين ولها الحين ماجاني شي ولا اتصال وكل ما اروح لمهم يقولون توك للحين ماجاء دورك
البيت بيطيح ويقولون توك لعب ببيتنا العجاج والمطر وااخينا بالله يقول توك عاد الله واكبر المبلغ مسكت كله 30000 بتروح شغل عمال واسمنت
حسبي الله عليكم
السلام عليكم ... استاذ / عبدالرحمن نجم
ارجو أن تشرح للقراء المحترمين ما معنى كلمتك : ( مقابل شح السيولة ) ؟
ايجب أن نصدق هذه الكلمة أم أنها حقيقة ... المصيبة كل المصيبة لو كانت حقيقة .
لو انك قلت : مقابل شح إنتاج البترول ... يكون هذا عذرا مقبولا
وتحياتي لتلك الآبار البترولية
الحمد لله رب العالمين من يقول شح السيوله ... احنا تونا بانين مدينه طبيه متكامله في البحرين.. هديه للبحرنيين .. و خمسه وسبعون الف وحده سكنيه في الاردن لتسكين المهجرين الفلسطنيين في الشتات وهذا كله علشان الامريكان والاسرائليين .. الحمد لله .
قرار في محله لكنه متاخر ...
مدير فرع بنك التسليف والأدخار ببريدة بكل وقاحة ولاحياء وأمام الناس يصرف لهذا بدون أي مستندات بس لأنه من عنيزة وطالما انك من عنيزة فستمنح القرض بدون مستندات او تدقيق ... ويقسم لي بالله العظيم موظف في البنك ان مدير البنك قام بصرف قرض (ترميم ) لشخص من عنيزة وذكر لي اسمه وهو لم يبدء بعد بالبناء وحالته المادية جدا ممتازة وستلم الشيك بنفس اليوم
تبرعات للبنان والاردن وفلسطين ومصر وسوريا وباكستان والعراق والبحرين والقادم اكثر
وبالاخير سلف لأبناء الوطن مانحصل
تراها سلف ياعالم وربي سلف ونرجعها لكم !!!!
=====
قرار متاخر جدا جدا
لان مدير بنك التسليف فرع بريدة يصرف على كيفة
ويعطي الى يبي وعنده واسطة خلال ايام وهو مصروف
اما المسكين الغلابان يقول امش بالسرا عاد متى يجيك الموعد
اذاجاك بعد ثلاث سنين زين
ومدير بنك التسليف فرع بريدة يفعل مايريد ولاحساب ولا رقيب
وين المسؤلين عنه وين هيئة الرقابة وين ديوان الرقابة وين هيئة التحقيق
وين مرجعة عن تلاعبة وين مدير عام بنك التسليف في المملكة
=
=