السفير عسيري : السفارة لم تتلق أية معلومة عن الحادثة.... سلب سعودي في بيروت

تعرض المواطن السعودي حزام العتيبي لعملية سلب وسط بيروت عندما اعترض طريقه مجهول يقود سيارة أجرة من نوع "فان" وأجبره على إفراغ الأموال النقدية التي يحملها في جيبه، والبالغة قيمتها 6500 دولار، ثمّ تركه وهرب.
وأعلن السفير السعودي في لبنان علي عسيري أن السفارة لم تتلق أية معلومة عن الحادثة، وعندما تصل أية معلومة يتم على الفور الانتقال إلى مكان الحادث مع محامي السفارة لاتخاذ جميع الإجراءات.
وناشد عسيري المواطن العتيبي وغيره إبلاغ السفارة بأي حادث مماثل، وأكد أنه قبل يومين تقدم المواطن محمد الحربي بشكوى إلى السفارة يتحدث فيها عن سرقة 8000 دولار من شقته، وبعد إبلاغ السفارة تم استرداد المبلغ بعد تدخل الجهات الأمنية اللبنانية، موضحا للوطن أن السفارة أعدت خطة لبرنامج الاصطياف للمواطنين القادمين إلى لبنان توزع في المطار وهي مزودة بكافة أرقام المسؤولين في السفارة ، إضافة إلى المحاذير الواجب على السائح تجنبها.
انا طلعت من لبنان يوم الخميس الماضي ولاتعرضت الى اي مضايقه علمان معي سياره
فاخره والحمدالله انه ماصر شي بس الرجال يمكن رايح لمكان مشبوه وطلعت لسوريا
ونفس الحكايه واللى يمسك الطريق الصح صدقوني مراح احد يتعرض له
وش سالفة السفراء بسوريا ولبنان نايمين في العسل يوم أقبل مليكنا المفدى لزيارة هذه الدول صحو من نومهم ياسفير خاف الله إن كان أبا متعب لا يراك فإن الله يراك !!!!!!!1 بس سمعوا الملك جاي تحركوا ناس ما تخاف من الله ( والمثل يقول اللي مايخاف من الله خف منه )
ما تلحظون الشاميين بدو يسرقون السعوديين خاصه من سوريا لا لبنان قاطعوهم
بسم الله الرحمن الرحيم
تعقيبا على رد اخي ( توني جاي من لبنان )
انت تذكرني بالي يقولك صارلي حادث على طريق الملك فهد وتقوله توني جاي للطريق وما فيه حادث
يعني يكذب عليك
الناس تسلب اموالها وانت تقول ماجاك شي
احمد ربك الله لا يبلاك
الله يكون في عون اخواننا المواطنين
السفير العسيري من افضل السفراء السعوديين
لبنان آمن بلد عربي لولا العصابات السورية للسرقه
بعدين انت اللي اسمك ام خالد وش دخل السفير السعودي في بيروت تقارنه في السفير في سوريا او مقهور منه علشان انه من اهل الجنوب ويحبونه كثير القيادة السعودية
جنوبي
السفير عسيري : السفارة لم تتلق أية معلومة عن الحادثة.... سلب سعودي في بيروت
وش تبي تسوى ياطير شلوى لاجاك علم
ياناس ليش مبلشين انفسكم بسوريا ولبنان والله ان غالبيتهم اكره مايرون السعودي
شاهدهم عندك بالسعوديه ايش يعملون ؟؟؟؟؟؟؟؟؟؟؟؟؟؟؟؟؟؟
ياجماعه الخير ...
ناس ماعنده عقل يفكر والا يشلون مبالغ كبيره ....ليه راحين لمقطعه والا دول مافيها بنوك وصرافات ..
ماهو العامل المشترك في استهداف المواطنيين السعوديين في سوريا ولبنان والبحرين اذا عرفتم السبب لاتستغربو
يستاهل ماجاه هو وكل واحد يسافر لبلاد الشام
محد قال له
والله انا اشوف ان الموضوع طال وشمخ
مابقى الا ابو شكيم يضربنا
فاقول لشبابنا إذا ما عقلوا هالسواريه واللبنانيين
فاستلموا اللى هنا في السعوديه وأدبوهم ( العين بالعين والبادي اظلم)
خلاص راحت هيبتنا وحنا مسوين عدول .. وهذولي مالهم شغل
الا لهم شغل والف شغل أدبوهم خل ربعهم اللى هناك قبل لا يسون شي يحسبون الف حساب
للي بيصير لربعهم هنا بالسعوديه
.
والله عجيب أمركم يا إخوان .. اتريدون السفير والسفاره تحط لكل مواطن سافر حارس يحرسه
كلام غير منطقي الى قاعدين تلومون السفارات فيه
وبعدين هالسعوديين يتفشخرون ويحملون آلاف الدولارات معهم ..طب ليش ما يحملون فيزا ولا شيكات ولا كروت صرف ويصرفون بالقدر الى يكفيهم فى حدود يومين ثلاثه
واحد شايل 8000دولار والثانى شرحه ومعظم السعوديين على نفس المنوال
نحتاج الى ثقافة السفر لا لوم السفارات والعاملين بها فدورها حماية المواطن فى حال تعرضه لخطر لاتخصيص من يمشي وراه يحميه
الأخ / ثرمداوي
الرجال يتحدث عن نفسه ويشكر ربه وماقال شي غلط ، حاول تستوعب الكلام المكتوب زين.
ياخي هنا بالسعودية تصير سرقات كثير حدث ولاحرج.
لكن الإنسان الذكي والحريص على نفسه زين صدقني بإذن الواحد الأحد صعب ينسرق.
يارجال لبنان ولاسوريا لاكن شيْ أهون من شيْ ولاأقولكم تركيا أفضل منهم كلهم.
كثرة السرقات في لبنان وسوريا وين السفراء الي نايمين بالعسل مايدرون عن احوال المواطنين المقيمين في تلك الدول
قبل اسبوع ثلاثة شباب اعرفهم اعز المعرفه سرقت جوازاتهم والاموال الي معاهم وللحين موجودين بلبان لم تحل مشكلتهم بس اتوقع الملك طالع يجيبهم من لبنان
المتخلف الذي يطالب الشباب بأخذ الثأر من السورين واللبنانين العايشين في البلد من مبداء ( العين بالعين والبادي اظلم) اذا كل واحد بيطبق على كيفه والله ماخرج سعودي لاي بلد في العالم لأن سجلكم اسود في التعامل مع الاجانب المقيمين او الزائرين حتى الحجاج ماسلموا منكم ...... ولكن لاتزر وازرة وزر اخرى............. فمنكم من يخاف الله ويعرف حدوده كما في كل بلاد الله................... الله يصلحنا واياكم
صدام الشمري
يبي يكون يعرف ايش الي صار عشان يكون ملم بالامور من باب العلم بالشياء لا اكثر وله ماعنده ماعند جدتي
ياجماعة شوف السعوديين اليطلعون لبرا نصهم تعرفون ليش طالع لنقعد نلعب على بعض
راحيح يخربها بعربي لاكن يستاهل مايجية
اما الي رايح علاج ولا تجارة مايتعرضونة ابد وقسم بالله اعرف واحد راح سوريا لعمل والله محد تعرضة بلعكس يقدرونة
لاكن ترا الجانب برياض السوري ولا المصري يتعرض لسطو من سعوديين يعني
متبون احد يتكلم عليكم
والله انا توني جاي من بلدة صلنفة شمال سوريا وقعدنا في سوريا 4 ايام وفي الاردن يوم يعني المسافة داخل هالدولتين فوق 1000 كلم بالسيارة تمشي ونمنا في بر عمان ليلة وليلة في جبال صلنفه عند محطة للوقود توها تعمر ما خلصت
ولا شفنا اي مضايقة او مهاجمة لكننا ما نمشي بالليل ابدا ابدا
وفي الشام نزلنا الصباح ووقفنا السيارة ورحنا مع تاكسي لسوق المحمدية عشان نتقضى وناخذ حمام وسالنا التاكسي عن الأمن فقال لنا بالنص \" انا ما اودي اي زبون سوري الى مكان خارج دمشق بمتر واذا كان ولا بد فاروح اسجل اسمي واسمه عند اقرب مخفر عشان لو فقدت يكون هو المسؤول وقال لنا حوادث عن سواقين تكاسي يطلعون للتل بالليل ويقتلون عشان يسرقون التاكسي ولا احد يجيب خبرهم \"
يعني نقلت لكم ما عايشته وما سمعته وانتم احكموا والله المستعان والله يخلي لنا ديرتنا يا حبي لها بعد هي وشموسها
مساء الخيرات ع الجميع
وخاصة اخوي ابو خالد اعتقد ان كلامك صحيح نايمين في العسل او في شي ثاني ملتهين .
صحيح المفروض أن خادم الحرمين الشريفين يغير السفراء لانهم وضعو في غير محلهم .
وهذ الحادثة ليست الاولى من نوعها لا في سوريا ولا في لبنان