قصيدة للشاعر مساعد المزعل العنزي

برقن شلع قبل نجم سهيل وطلوعه
حتى سحبني على السجه وطاريها
****
ونفسي على طلعت البران مطبوعه
ماكف رجلي عن البران واغليها
****
لاشفت لي بارقن قلبي فقد طوعه
وش عاد لادك دارٍ كنت ناويها
****
لميت عفشي وقلبي يزهم اربوعه
اصحابي اللي على ذوقي مخاويها
****
من البقاله انقضي مدة اسبوعه
سبعت ليالي على الوجهه نقضيها
****
في ديرتن سال واديها مع افروعه
محدن وطاها ياغير الصيد واطيها
****
مرتاح بالي لو ان الارض مصقوعه
شعمت ضوي على الدله واصاليها
****
مالي ومال والملا واهروج مسموعه
هذا يجيب الهروج وذا يوديها
****
اذني عن اللي يجيب الهرج مرقوعه
ومقرد الخلق ماني من موالايها
****
عيني لناسٍ مع اهل العرف مرفوعه
يطيب لي مجلسٍ معها واماشيها
****
لو العلاقات تصبح شبه مقطوعه
بعدك عن اللي يهين النفس يغنيها
****
والنفس من هادم اللذات متبوعه
لاتهمل النفس وايضن لاتمنيها
****
خلك حكيمن يقطّر حسب ينبوعه
في حاجته حسب شرع الله يسويّها
****
والنفس يهملتها ترميك مسبوعه
يروح عمرك ماتلحق نصف آمانيها
****
وانهايتك خامتن يالعبد مذروعه
في ساعةٍ علمها في حكم باريها
****
في حكمة الخالق الرحمن مشروعه
هو مجري افلاكها بمره وناهيها
****
الشاعر مساعد المزعل العنزي