رمز البطولة سيدي سلطان

الا يالله يارب البشر يا منزل القرآن
تعجل بالفرج لشعوب طول بعد غاليها
سنة مرّت على الشعب السعودي بالحزن غرقان
عقب ما غاب درع المملكة سلطان حاميها
ألا يا ليتني من دونكم يا سيدي مرضان
مشاعر صادقة من قلب كاتبها لقاريها
وليت العافية تشرى وندفع غالي الأثمان
وندفع كل ما نملك لمالكها ونشريها
ونهديها على رمز البطولة سيدي سلطان
زعيم عارف دروب المراجل ما يخليها
زعيم كلنا نفديه بالأرواح يا عربان
زعامة ساس ما هي من جديد الوقت بانيها
متى تمشي به الرحلة ويعلن النبا الديوان
وتفرح له شعوب العرب بأولها وتاليها
وأنا والله ما املك غير اسمي يا رفيع الشأن
ولا املك من ملايين البنوك اللي نسميها
وغيرت اسمي الأول على اسمك سيدي سلطان
على اسم اللي دروب العز والطالات ماشيها
هدية من عتيبيٍ يقدمها بدون أثمان
رضاك أغلى هدية لي تقدمها وتعطيها
ولي العهد درعا للوطن يوم العدو أمهان
وزير الجيش حاميها من اللي طامعا فيها
حفظك الله يا راع الوفاء يا راعي الإحسان
فعايلك الحميدة في الوطن معاد نحصيها
فقدك الشايب اللي ماتوا عياله وهو فقران
وفقدتك أرمليه مالقت غيرك يعشيها
وفقدك اللي سجين ويذرف الدمعة ورا القضبان
دية غرامه أثقلته ومن غيرك بيعطيها
فقدك الشعب كله يا طويل العمر يا كحيلان
تحب الخير وجه الخير والحاجات تقضيها
ولا ننساك يا رمز الوفاء ياسيدي سلمان
سواتك يا طويل العمر من غيرك يسويها
مرافق سيدي في رحلته يا مسند الأخوان
وهذي من سجاياك العظيمة و أنت راعيها
صحيح المملكة في ظل أبو متعب رخا وأمان
عسى الله يحفظ الدولة ويحفظ حكم واليها
وجودك في الوطن يا سيدي يكمل به البنيان
حياتك جعل رب البيت يمهل لك لياليها
راجح محمد العصيمي