الذيب

ما فيه داعي تهين الحب وتشوته
يانور عيني ترى ما للجفا داعي
دونت رقمك مع الأرقام فالنوتة
وألا أنت مبطي مدون بين الأضلاعي
جميع أمورك معي بالحيل ممقوتة
يا قاسي القلب حاول تفهم أوضاعي
الطفل لاضاق يرضونه إبسكوته
وألا أنت ضيقتك تشبه سم الأفاعي
تعال شوف الخفوق وفك كبوته
والله ما بالخفوق إلا أنت وأوجاعي
صورتك وسط الخفوق اليوم منحوته
تعال كب الجفا يا شين الأطباعي
صاحبك كل البشر تسمع صدى صوته
إلا أنت وش فيك ما تسمع ولا تاعي
تعال قبل الجسد يسكن بتابوته
والعمر لحظات والدنيا تمتاعي
والناس فالوقت شماته ومشموته
لكن مهما حصل ما يرتخي ناعي
خذ كلمة من صميم القلب مثبوته
قدام تبحر هبوب الوقت باشراعي
من شاعر بالشعر تشهد له بيوته
ما طاع للوقت لو الوقت ما طاعي
الذيب ما ياكل إلا كل عنتوته
والذيب لا جاع ما يلهث ورى الراعي
إن طال صبره ترى ما طول سكوته
وإن ضاع كم واحد من سبتك ضاعي
لكن خله يضيع ووقته إيفوته
والموت واحد لو إن اسبابه أنواعي
إن مات صاحبك معروف سبب موته
وإن عاش دونك حياته ما لها داعي