غلاف کعبہ ‹کسوہ› ذمہ داروں کے حوالے

خادم حرمين شريفين کي نيابت ميں امير مکہ و مشير خادم حرمين شريفين کے غلاف کعبہ ذمہ داروں کے حوالے کيا تاکہ ہر سال کي طرح اس سال بهي کسوہ تبديل کيا جاسکے۔
بيت اللہ کے تقدس کي طرح اس کے غلاف کي تاريخي اہميت بهي مسلمہ ہے اور ظہور اسلام سے قبل دور جاہليت ميں ‌بهي غلاف کعبہ ‹کسوہ› نہايت توجہ اور انہماک کے ساته تيار کيا جاتا رہا ہے۔
زمانہ قبل اسلام کي طرح غلاف کعبہ کي روايت عہد اسلامي ميں بهي برقرار رہي۔ يہ معلوم نہيں کہ فتح مکہ سے قبل عہد نبوي ميں غلاف کعبہ تيار کيا گيا يا نہيں البتہ روايات سے معلوم ہوتا ہے کہ نبي اکرم صلي اللہ عليہ وسلم نے ‹القباطي› نامي کپڑے سے غلاف کعبہ تيار کرايا تها۔ يوں يہ اسلامي عہد ميں پہلا غلاف کعبہ تها۔ ايک تاريخي روايت سے يہ بهي معلوم ہوتا کہ نبي اکرم صلي اللہ عليہ وسلم نے مشرکين مکہ کے دور کا تيار کردہ غلاف کعبہ اس وقت تبديل کيا جب ايک خاتون کے ہاتهوں غلاف کعبہ کا کچه حصہ جل گيا تو آپ نے يماني کپڑے سے نيا غلاف تيار کرايا تها۔
خلفائے راشدين ميں حضرت ابوبکر صديق رضي اللہ عنہ اور حضرت عمر فاروق رضي اللہ عنہ کے عہد ميں القباطي اور يماني کپڑوں کے غلاف تيار کيے گئے۔ حضرت عثمان بن عفان نے نيا غلاف تيار کرنے کے بجائے بہ يک وقت دو غلاف چڑها ديے تهے۔ ايک ہي وقت ميں خانہ کعبہ کے دو غلافوں کا يہ پہلا واقعہ ہے۔ ديگر خلفائے راشدين کے برعکس حضرت علي رضي اللہ عنہ کا عہد حکومت ‹پُرفتن› دور رہا اور انہيں غلاف کعبہ کي تياري کا موقع نہيں مل سکا۔ البتہ ان کے بعد آنے والے خلفاء اور سلاطين نے غلاف کعبہ کي تياري کو اپنے فرائض منصبي وديني ميں شامل رکها۔
سعودي عرب کے حکمراں خاندان نے غلاف کعبہ کي تياري کے ليے الگ سے محکمہ قائم کرنے کے بعد 1397 هجري ميں ام الجود بندرگاہ پر اس مقصد کے ليے ايک خصوصي کارخانہ قائم کيا۔ اس کارخانے ميں غلاف کعبہ کي جديد ترين تکنيک کے مطابق تياري کے ليے تمام ضروري انتظامات کيے گئے۔ يوں ہر سال يہ کارخانہ بيت اللہ کا ايک نيا غلاف تيار کرتا ہے جسے پورے تزک واحتشام کے ساته خانہ کعبہ کي زينت بنايا جاتا ہے۔
ام الجود ميں قائم کارخانے ميں غلاف کعبہ کي تياري کا کام سال بهر جاري رہتا ہے۔ غلاف کي تيار کے مختلف مراحل ہيں۔ قارئين کي دلچسپي کے ليے ان پر مختصر روشني ڈالي جا رہي ہے۔
خانہ کعبہ کي تياري کے ليے نہايت عمدہ «السرسين» نامي ريشم کا دهاگہ استعمال کيا جاتا ہے۔ عموما غلاف کے ليے 670 کلوگرام خاص ريشمي دهاگہ استعمال کيا جاتا ہے۔ دهاگے کي تياري کے بعد پہلا مرحلہ دهلائي کا ہے جس ميں دهاگے کو اس کے منفي اثرات زائل کرنے کے ليے گرم پاني ميں دهويا جاتا ہے تاکہ دهاکے کي تياري ميں استعمال ہونے والي کيميائي اثرات ختم ہو سکيں۔ دهاگے کو ہر قسم کے مضر اثرات سے سو فيصد پاک کرنے کے بعد غلاف کے بيروني حصے کے دهاگے پر سياہ اور اندروني حصے جسے اصطلاح ميں «الستارہ» بهي کہا جاتا ہے پر سبز رنگ کيا جاتا ہے ۔ العربيہ اردو