وبعد هذا السلام نقول ابشر ياجبل دخان

وبعد هذا السلام نقول ابشر ياجبل دخان
اذا للشعر بحر ووزن فله وقت واظنه حان=وانا ابياتي لمثل اليوم متنقي قوافيها
بديت القاف باسم الله تعالى العالي الرحمان=يعين العبد لاساله على حاجة ويقضيها
اصاله قلت عن نفسي ونيابه عن الشجعان=رجال الجيش لا ثارت تحطم من يلاقيها
سلام الله سلام الله سلام العالي المنان=سلام اصدق من الغيمة اذا هلت مناشيها
سلام الله لعبدالله ملكنا فارس الفرسان=ابو متعب شديد الباس الاعداء مايداريها
بظله دام عز الدار ودامت عزت العربان=ودام الخير ويداره يصيب الله شانيها
وسلام الله لابو خالد ولي العهد هو سلطان=صميدع لانتخى للدار ليث الغاب حاميها
وسلام الله على نايف طويل العمر وكحيلان=رجل موقف وحن جنده الا دقت طواريها
وسلام الله على الابطال لا شبت صلا الميدان=رجال الجيش درع الدار لانادا مناديها
لادقت طبول الحرب ثروتها كما البركان=تبيع الروح قبل يضيع شبر من اراضيها
وبعد هذا السلام نقول ابشر ياجبل دخان=بقوات تهز الارض قاصيها ودانيها
من جدة الى الخفجي ومن عرعر الى نجران=طيارة بقايدها ودبابه براميها
وحن للمملكة قوة وفينا التضحية عنوان=محبتنا ولانا سر قوتنا لواليها
غلاها منغرس فينا شبيه الدم بالشريان=وجعل يفدا ديار العز خصمن طامعن فيها
عزيزة ديرتي وتعيش دار الامن والامان=ويخسى اللي نوى بالغدر جاره كيف يوذذيها
فكر مظلم ولا يمكن لعاقل يتبعه وانسان=سوات اللي شرب من بير ويرمي بالحجر فيها
ضعيف العقل مايدري بان الغدر والعدوان=وقتل الابرياء منكر جريمة من يسويها
وطنا فدوتك حنا نوموت ولا يذلك شان=نموت ولا تنال اعداه شئ من مراميها
واخيرا ياعسى قولي طلع ماصابه النقصان=وتحيتنا لقادتنا عيال العود نهديها
وصلى الله على طه نبينا من نسل عدنان=طلبناك الشفاعة يانبينا يوم توليها
فلاح بن علي الوايلي - نجران