لماذا نخافُ من التَّعَدُّدْ

وقد رزقني الله قبل ( كم أسبوع ) مولوداً سمبتهُ ( نواف ) وهو اسمٌ تاريخيٌّ له مكانته بالنسبة لي ،
المهم وبعد أن فرغت من صلاة عصر يوم أمس كان على يميني أخي وحبيبي شاعرنا الجميل ( مبارك عيد ) وهو رجل ( تحطه على يمناك ) ، أقول وبعد أن فرغنا من الصلاة سألني : كم عمر ( ولدنا الجديد نواف ) قال وهو يبتسم ابتسامةٌ تكاد تقول خذوني ! فعرفت مغزاه .. وبعد أن خرجنا من المسجد قلت له مداعباً :
أشوف من جالنا نواف
والشهر يمشي على هونه
الجوع يسري مع الأطراف
واخوك تصافق سنونه
ولما رأيت أن الحجل وصل الرجل ، وكعادة أغلب الرجال عندما يتعلق الأمر بالتعدد انحشت ورفعت الرايةُ البيضاء
فرد قائلاً :
دفاك طراحةٍ ولحاف
والا تبي حظن مزيونه
أخاف من غزوةٍ بانكاف
سوالف الليل مدهونه
حذراك من زلةٍ بالقاف
واترك نواياك مدفونه
فقلت :
الحكي لو من وراه خلاف
أقضي العمر من دونه
من سمع ما هو مثل من شاف
عيّنت اللي يكذب عيونه
فقال :
وش اللي ردك عن المشراف
شرواك الاجواد يعطونه
والذود قدامهم سلاَّف
يشيل البندق على متونه
يا هونها كانها بآلاف
والثوب وشو بلا ردونه
ولما رأيت أن الحجل وصل الرجل ، وكعادة أغلب الرجال عندما يتعلق الأمر بالتعدد انحشت ورفعت الرايةُ البيضاء وقلت:
أخوك لو يحكي خوّاف
يبي اللي قبله يجرّونه
ورجّالنا دايمٍ ميلاف
لو يشتكي برد وسخونه !
فضحك وضحكتُ حتى كدتُ أن أقع على قفاي من الضحك .. فلا أسهل من الضحك شيء ! اضحكوا تصحّوا !
hm399hm@hotmail.com