زعيم السياسة

ينوض القصيد ويرتكي خاطره طربان
هجوسي تنادي والقوافي تلبّيها
آشب المعاني وآحتسي دلّة القيفان
عزمت الجزيله من يد الفكر آقهويها
بنيت البيوت اللي تطاول على البنيان
بيوتٍ على هام السحب قلت آعديها
سلامٍ عدد من حج بيته يبي الغفران
وعدّ البروق اللي تشعلل مناشيها
سلامي لقائد مملكتنا الملك سلمان
سلامي على الدوله واهلها واراضيها
زعيم السياسه سيدي مرجّح الميزان
وله هيبةٍ فالكون محدٍ يضاهيها
كفوفه بواسق خير وشُهبٍ على العدوان
محنّك سياسي والعدا مايدانيها
بنهج الشريعه يبني وثبّت السيسان
بنى دولةٍ الله من الشر يحميها
سليل الملوك اللي لهم فالفخر عنوان
حمى المملكه وبكمّ بشّته يذرّيها
أعايد عليه الله يعيده عليه أزمان
بعيد الفطر والمملكة به أهنيها
وآهنّيه بشعبٍ شارب المرجله فهمان
يحب الوطن وارواحه اليوم يهديها
ومنهو يعادي هالبلد خايبٍ خسران
عقولٍ تعادينا نخيّب مساعيها