سارعي للمجد

والعليا وعز بلادي
والله المالك وملك الارض يؤتيه أهله
العلم مكتوب في خده ثلاث مبادي
لا إله الا الله وسيفين عدل ونخله
الشهادة رمز للسنة ودين الهادي
والكرم يشهد عطا النخلة وهي تشهد له
والسيوف اثنين والإسلام نوره بادي
سيف خلف النور الإسلامي وسيف قبله
قلت عبدالله وبادرني القصيد ينادي
كل بيت يشوف نفسه في الملك ما مثله
قلت انا شاعرك وانته يالقصيد زنادي
والله أني لا اشعلك واسكبك شعله.. شعله
لين اخلد بك قصيدة عنبريه كادي
في الملك عبدالله تستأذنه خصله.. خصله
ان مشى كن الخطى في الارض ركض جيادي
في الحجاز أصواتها ولا الصدى في دجله
وان حكم بالسيف قص أعناق قص أيادي
الجروح قصاص يجزي كل جرح بمثله
كلمته عين الصواب تقال ماتنعادي
السياسة والدها في كلمته مشتمله
وان عطى كن ًالبحور بدرها تنقادي
مدته تقطع جذور الفقر من بيت أهله
نظرته برق يتعرج في كهوف الوادي
يستنير بها الكفيف وتستعيش النملة
بعد ما مزقت ثوب الجرم والافسادي
لبس الدنيا بثوب العدل واسجد قبله
يا بلادي يا بلادي والجبال أوتادي
وانت حبك في فوادي جمرةٍ مشتعله
اقسم فوادي وفوق أرضك نشرت فوادي
يا بلادي طمني عني القلوب الوجله
دام رايتنا بدستور البلاد تنادي
لا إله الا الله وسيفين عدل ونخله
والله انا صوت واحد في ربوع بلادي
الولي ثم الوطن ثم الملك عبدالله