الراية الخضراء

عيضة السفياني
سارعي للمجد والعليا وعز بلادي
والله المالك وملك الأرض يؤتيه أهله
العلم مكتوب في خده ثلاث..مبادي
لاإله إلا الله وسيفين عدل ونخله
الشهادة رمز لسنة ودين الهادي
والكرم يشهد عطاالنخلة وهي تشهدله
والسيوف اثنين والإسلام نوره بادي
سيف خلف النور الإسلامي وسيف قبله
قلت: عبدالله وبادرني القصيد ينادي
قال:ميله عدل وبعدله عدال المله
قلت:اناشاعرك وأنت يالقصيد زنادي
والله إني لاأشعلك وأسكبك شعله..شعله
لين أخلد بك قصيدة عنبرية كادي
فى الملك عبدالله تستأذنه خصله..خصله
إن مشى كن الخطاءفى الأرض ركض جيادي
فى الحجاز أصواتها والا الصدى في دجله
وان حكم بالسيف قص أعناق قص أيادي
الجروح قصاص يجزى كل جرح بمثله
وان عطا كن البحور بدرها تنقادي
مدته تقلع جذور الفقر من بيت أهله
نظرته برق يتعرى في كهوف الوادي
يستنير بها الكفيف وتستعيش النمله
أنت سهم الموت الأحمر في جبين العادي
بادره بالسهم ياراعيه والعن شكله
اضرب المجرم بصوط من العذاب القادي
ضربة قدام لاتأصله تخطف عقله
بعد مامزقت ثوب الجرم والإفسادي
لبس الدنيا بثوب العدل وأسجد قبله
كلمتك عين الصواب تقال ما تنعادي
السياسة والدها في كلمتك مشتمله
للأدب أسست صرح..وللثقافة نادي
مابقى شبر في دولتنا يعيش بجهله
يابلادي يابلادي والجبال أوتادي
وأنت حبك في فؤادي جمرة مشتعله
أقسم فؤادي ومن دونك يلوذ فؤادي
يابلادي طمني عني القلوب الوجله
يالمليك ابن المليك معرب الأجدادي
الله اللي يؤتي الملك ويشاء من فضله
دام رايتنا بدستور البلاد تنادي
لاإله إلا الله وسيفين حق ونخله
والله إنا صوت واحد في ربوع بلادي
الولي ثم الملك في قلوبنا مشتمله