عدوّ الفقر

الفقر ذبّاح لا يرحم ولا يسْتريح *** إلاّ إلى من غرس نابه بحقد وهوان موجع ويلدغ بلا استئذان ولا فحيح *** لو كان رجال قلنا عنه رجلٍ جبان رفيقه الخوف لا جار الزمان الشحيح *** وعدوه اللي وصل بالدار بر الأمان
عبد الله ابو اليتامى وان بغيت الصحيح *** ما فيه قبله ولا بعده بهذا الزمان
يا حظنا فيه يا حظ الشعر ، والمديح *** مهما تنقا يعجز الفكر قبل اللسان
صبحه يغسل التعب من قلب كهلٍ جريح *** وكفوفه البيض لاحلام الفقارى ضمان
واليا هما غيثه اخضرّ المكان الفسيح *** وماظل معتاز واورق كنه البيلسان
اطلالته خير ومْصافح عيونه يزيح *** همٍّ تغشّى الفؤاد بغيبته واستكان
الشعب أصبح بخير الفقر أضحى طريح *** أمس اعترانا تعب والقاسي اليوم لان
هذا الوطن مرتفع دايم ولا يْهاب ريح *** ذراه شعبٍ وفيْ لو خان غيره ماْخان
ما ظل منصاب إلاّ وقف وما يطيح *** من صار في ظل ابو متعب له الوقت زان
الفقر وان قلت ابو متعب بوجهه يشيح *** عاداته بحضرة اهل الجود دايم مُهان
الله عطاه الغلا ، والحب رجلٍ صريح *** يسيل يسكنه صدقٍ يسكن الزعفران
الله يحفظه لنا ، والدار من يستْبيح *** ذرّه من تْرابها موته لك الله حان
الفقر ذبّاح ، لكن عندنا يستريح *** في دار آل السّعود يموت ما له مكان