كان بيت الأسبوع الماضي للشاعر خالد المرشود : حول دخول الوسم وهدة الطير والقنص والذي يقول: هب البراد وزان جو المطاليع والطير زانت هدته ياهل الطير وكان صدى البيت من الشعراء: وقف نشاطك عن جميع المشاريع واربط فراشك واعتمد نية السير اللي يبون البر ناس قواطيع ناس على الشدات مافيه تقصير واللي حصله في زمانه تسانيع فضل من المولى بحكمه وتدبير علي رشيد الرشيد - رياض الخبراء زهب معاميلك وخاو المسانيع0 اللي لهم راي سديد وتدابير» آقلوبنا للبر ياهي مواليع0 مع شبة وادلال حوله مساطير» والصيد شوقٍ في البراري مع الريع0 الله يجيب الصيد سهل وتياسير» عثمان ابراهيم الرشيد0 الرياض يا ما حلا جو بوسطه مرابيع مع الرفاقة والرجال المخابير طلعة تسر القلب فيها تناويع وعسى السعادة دايمة والتياسير وعام جديد والآخر بتوديع عساه عام بالتصافي وبه الخير محمد عبدالعزيز الخنيفر/اشيقر حل الوسم والمزن جا له مجاميع والناس إذا حل الوسم جاهم الخير حيث المطر يهطل مكون تناقيع والروض يعْشِب مشبع شاة وبعير والبر بعد القفر صاير مشاريع مزاد وهد صقور وخيام تأجير عبداللطيف الحُمَيَّانِي / عنيزة الوسم حل وفيه خيرومنافيع والجوزان ومقبلين على خير الصيديبغى له رجال مذاريع معهم صقورمعربه لونهاغير لاشافهاجول الحباري ملاييع ياسعدمنهوحاشهاحزة السير حمد عبدالله الوايلي/حوطة سدير تبي تسلى بالحرار القواطيع فماعندك الا الحمّره والعصافير لي جت حبارى مستديره مع الريع تطوق بعشره كل ابوهم صقاقير الصيد مامن صيد حتى الجرابيع ما وفرو راعي الدحل لوهو صغير اصبر تجيك المهاجره للمرابيع يعلقهن الشيهان بكف الشناكير سعود بن عبدالعزيز الهزاع - نعام تجمع العربان فيها تجاميع بأرض الربيع والناس يمه مشاوير تلقى الكما فيها من الخير ويفيع فيها العرب حوله ورود ومصادير أرض على كيفك فيها التشاجيع يا ما نشوف الناس حوله طوابير ريان محمد الخنيفر/اشيقر بيت الاسبوع يكتبه اليوم الشاعر غنام مسعود القريني من نعام حول عدم الاندفاع والانقياد وراء من يدعون الدين واهل الغلو والتطرف والبيت يقول: لاتندفع من خلف من يدع الدين حنا وسط لاغلو فينا ولا افراط نستقبل صدى هذا البيت بأربعة أبيات فقط تدور حول هذا الموضوع ويفضل الإرسال عبر الإيميل: [email protected] أو على الفاكس 4871070/ 011 كما يسرنا مشاركة القراء بموضوع البيت ومن الشعراء بطرح بيت الاسبوع حول اي موضوع ..
