صوت الصورة

أحنّ للماضي ووقتٍ لنا راح
يوم البساطة للمعيشه تباري
ابيوت من طينٍ بها النفس ترتاح
يا حلو مبناها بذيك السواري
والفرت واقف زين لونه اللى لاح
ودكان فاتح بين بياع .. وشاري
عثمان إبراهيم الرشيد - الرياض
حيٍ من احياء العاصمة عام ستين
به المباني الشاهقة .. والمشارف
معهم حضارة لو المباني من الطين
ثلاثة ادوارٍ وفيها زخارف
حاجاتهم موجودةٍ فالدكاكين
والفرت ينقل وياخذ اجر ومصارف
سعود عبدالعزيز الهزاع - نعام
يا زين بيوت الطين في ماضيٍ فات
يا ما لهم بالقلب عزة .. وتقدير
حب التصافي بينهم .. والزيارات
درب الكرم والطيب سلم المغاوير
فيهم صفاة القلب وحسن العبارات
بسوالفٍ تعجبك وزين التعابير
محمد عبدالعزيز الخنيفر - أشيقر
فرتٍ خضرعليه اشراع
له مدةٍ واقفٍ عطلان
الظاهر إنه بدون ذراع
وهذي ادارة لها عنوان
من وقتٍ لها قد ذاع
يوم المنازل لها صيوان
حمد عبدالله الوايلي - حوطة سدير
يا زين وقتٍ مضى يا خوان
بيتٍ مزخرف وعنده فرت
هذا يدوبش .. وذا فرحان
وذاك طاير وينقز.. فزت
الوقت واسع بلا بيبان
مافيه مشغول وخذ لي كرت
عبد الكريم النغيمشي – لوذة
ﻻشفت بيت الطين ذكرني الغالين
ذكرني رجالٍ لهم فضل وعرفاني
ناس على الطوﻻت والعز ماشين
حب التصافي بينهم دوم عنواني
مكانهم بقلوبنا .. وداخل العين
تاريخهم معروف بذيك اﻻزماني
ريان محمد الخنيفر - الرياض
لك من العز لك يا دار
وإكرام ناسٍ ربو فيها
يا زين بيت الحطب ووجار
والنّار لا ولّعت بيها
اليوم صارت لنا آثار
نعتز .. فيها وماضيها
سيّارة العم تحت إجدار
لاواهني من كشت ليها
عبدالكريم عبدالرحمن السلّوم – القرائن
قصرٍ قديم وعنده الفرت موجود
واللوحه الخضراء على الباب تومي
وأربع رجاجيلٍ على الباب يا سعود
الكل منهم واقفٍ في اللزومي
مبناه طين وجبص والباب من عود
ما كان فيه أسمنت كان معدومي
سعود مطرب العتيبي – الدوادمي
بيتً قديم وفيه ناسٍ .. وناس
مبناه في أيامٍ قديمه من سنين
رمز الحضاره رمز طيبٍ ونبراس
واللي سكن فيه غالين .. غالين
سلطان الرشيدي - الطائف
نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
أو الفاكس رقم: 0114871070
وكل عام وأنتم بخير..
صورة العدد السابق